Mumbai Crime: पोलिस अधिकाऱ्याचाच मुलगा चालवत होता देह व्यापाराचा धंदा; वाचा काय आहे प्रकरण?

Mumbai Crime: सेक्स रॅकेटप्रकरणी मुंबई पोलिस दलातील अधिकाऱ्याच्या मुलाला अटक करण्यात आली आहे. अश्‍विन कदम असे आरोपीचे नाव आहे. पोलिसांनी या कारवाईत कृतिका लाड (वय ३१) या महिलेलाही अटक केली असून तीन पीडित महिलांची सुटका करण्यात आली आहे.

ठाणे गुन्हे शाखेच्या मानव तस्करी विरोधी कक्षाने गुरुवारी (ता. २१) ही कारवाई केली. अश्‍विन कदम सांताक्रूझचा रहिवासी आहे. ठाणे नगर पोलिस ठाण्याच्या हद्दीतील विश्‍वास व्हेज हॉटेलवर अश्विन हा महिलांना देहव्यापारासाठी आणत असल्याची माहिती कक्षाला मिळाली होती.

त्यानुसार पोलिसांकडून सापळा लावून बनावट ग्राहक पाठवून १५ हजार रुपयांत व्‍यवहार ठरवला. यात पैसे घेताच पोलिसांनी कदम याला अटक केली. त्यानंतरच्या तपासात एका महिलेने त्याला गुन्ह्यात मदत केल्याचे उघड झाल्यानंतर शुक्रवारी कृतिका लाड हिला अटक केली. दोघांवर गुन्हा दाखल करून तपास सुरू करण्यात आला आहे.