Mumbai News: पोलिसांची मोठी कारवाई; चार दिवसांत ३८२ मद्यपींवर कारवाई

Thane News: ठाणे शहर वाहतूक विभागाच्या अखत्यारीत येणाऱ्या तब्बल १८ युनिटमध्ये होळीच्या पूर्वसंध्येपासून पोलिसांनी धडक कारवाई केली. त्यामुळे वाहतुकीचे नियम मोडणाऱ्या वाहनचालकांनी धसकाच घेतला आहे.

वाहतूक पोलिसांनी चार दिवसात तब्बल ८ हजार ३१९ जणांवर विविध कलमांतर्गत कारवाई केली. यात विनाहेल्मेट, मद्य पिउन हन चालवणे, क्षमतेपेक्षा अधिक प्रवासी वाहून नेणे आदींचा समावेश आहे. ४० ब्रेथ एन्‍लायझरद्वारे तपासणी करत ३८२ जणांवर कारवाई केली.(drink and drive crime)

वाहतूक शाखेच्या पथकाने केंद्रित केलेल्या ठाणे, भिवंडी, कल्याण व उल्हासनगर क्षेत्रात कारवाईचा ८ हजार ३०० आकडा पार केला. धुळवडीच्या दिवशी सोमवारी (ता. २५) तीन हजार वाहनचालकांवर कारवाई केली.(maharashtra news)

यात मद्यपींची संख्या ३८२ इतकी होती. तर ट्रिपल सीट कायद्याचे उल्लंघनात ८६ चालक, हेल्मेट न घालणाऱ्या ५ हजार ११७ दुचाकीचालकांवर कारवाईचा बडगा उगारला. क्षमतेपेक्षा अधिक व प्रवासी वाहवून नेणाऱ्या आणि फ्रंट सीटवर बसवून नियम मोडणाऱ्या १ हजार ७३४ चालकांवर कारवाई केली, अशी माहिती वाहतूक पोलिसांनी दिली.