Kalyan Political News: खा.कपिल पाटलांनी उडवली वैशाली दरेकरांची खिल्ली; वाचा नक्की काय झालं ते

Badlapur News: कल्याण लोकसभा मतदारसंघातील महाविकास आघाडीच्या उमेदवार वैशाली दरेकर यांनी डॉ. श्रीकांत शिंदे कोणत्या पक्ष चिन्हावर निवडणूक लढवणार, असा प्रश्न उपस्थित करत टीका केली होती. त्यावर भाजपचे भिवंडी लोकसभेचे उमेदवार कपिल पाटील यांनी प्रत्युत्तर देत खिल्ली उडवली.(kalyan loksabha news)

उपमुख्यमंत्री देवेंद्र फडणवीस यांनी कल्याण लोकसभा मतदारसंघात असणारा तिढा दूर करत शिंदे गटाचे श्रीकांत शिंदे यांना उमेदवारी जाहीर केली. (shrikat shinde news)

उमेदवारी जाहीर होताच ठाकरे गटाच्या उमेदवार वैशाली दरेकर यांनी, महायुतीने श्रीकांत शिंदे यांना उमेदवारी जाहीर केली. मात्र, ते कोणत्या चिन्हावर निवडणूक लढवणार? हे स्पष्ट का केले नाही, अशी टीका करत कल्याण जागेच्या पक्ष चिन्ह भूमिकेवर प्रश्न निर्माण केला होता.(Vaishali Darekar)

या प्रश्नावर भाजपचे भिवंडी लोकसभेचे उमेदवार कपिल पाटील यांनी चांगलेच प्रत्युत्तर दिले. श्रीकांत शिंदे हे शिवसेना पक्षाचे सदस्य असून, ते महायुतीचे उमेदवार आहेत. महायुतीचे उमेदवार असले तरी त्यांना त्यांच्याच पक्षाचे चिन्ह मिळणार ना. आता हे एका लोकसभा उमेदवाराला माहीत नाही, इतक्या अज्ञानातून त्या बोलत आहेत का? की, उगाच काहीतरी गैरसमज करून घेत आहेत, अशी खिल्ली‍ उडवत पाटील यांनी दरेकर यांना प्रत्युत्तर दिले.