Crime News: पोटच्या पोरीसोबत केले अश्लील चाळे, विनयभंगप्रकरणात पित्याला कारावास

Thane Crime: पोटच्या मुलीबरोबर अश्लील चाळे करणाऱ्या जाकीर अब्बूल रज्जाक शेखला पाच वर्षांचा कारावास आणि पाच हजारांच्या दंडाची शिक्षा झाली आहे. ठाणे अतिरिक्त सत्र न्यायालयात बुधवारी याप्रकरणी सुनावणी झाली. (maharashtra crime)

भाईंदरच्या उत्तन सागरी पोलिस ठाण्यात ७ जानेवारी २०१८ मध्ये पोक्सो कायद्यांतर्गत विनयभंगप्रकरणी दाखल झालेल्या गुन्ह्यात जाकीर अब्बूल रज्जाक शेख याला अटक करण्यात आली होती. त्यानंतर ३१ डिसेंबर २०१८ रोजी आरोपीची जामिनावर सुटका झाली.(crime against girl)

या खटल्याची अंतिम सुनावणी ठाणे अतिरिक्त सत्र न्यायालय आणि विशेष पोक्सो न्यायालयाचे न्यायमूर्ती व्ही. व्ही. वीरकर यांच्या न्यायालयात सुरू होती. यावेळी जाकीर शेख हा स्वतःच्या मुलीचे अश्लील चाळे करून लैंगिक शोषण करत असल्याचे पुरावे आणि साक्षीदाराच्या तपासणीनंतर न्यायालयाने पाच वर्षांचा कारावास आणि पाच हजारांच्या दंडाची शिक्षा ठोठावली आहे. तसेच दंडाची रक्कम भरली नाही तर ५० दिवसांची साधी कैद होणार आहे.