Crime News: दुकानांच्या तोडफोडप्रकरणी २५ ते ३० जणांवर गुन्हा

Mira Bhaindar Crime: भाईंदर पूर्व भागातील चार वर्षीय मुलीवर लैंगिक अत्याचार झाल्याचा प्रकार उघडकीस आल्यानंतर जमावाने दुकानांची तोडफोड केली होती. याप्रकरणी पोलिसांनी २५ ते ३० अज्ञात व्यक्तींवर गुन्हा दाखल केला आहे.

एका चिकन शॉप चालकाने शेजारीच राहणाऱ्या चार वर्षीय मुलीवर अत्याचार केले होते. ही बाब उघडकीस आल्यानंतर एक मोठ्या जमावाने तीन ते चार दुकानांची तोडफोड केली होती. हा जमाव नवघर पोलिस ठाण्याबाहेर जमून घोषणाबाजीदेखील केली.

त्यामुळे वातावरणात तणाव निर्माण झाला होता. आरोपीला अटक करण्यात आली असल्याचे सांगूनही जमाव ऐकण्याच्या मनःस्थितीत नव्हता. परिस्थिती हाताबाहेर जाऊन नये यासाठी पोलिसांनी सौम्य लाठीमार करून जमावाला पांगवले होते.

त्यानंतर तोडफोड केल्याप्रकरणी पोलिसांनी २५ ते ३० जणांवर गुन्हा दाखल केला आहे. सीसी टीव्हीच्या मदतीने या सर्व आरोपींची ओळख पटविण्याचे काम सुरू असल्याची माहिती पोलिस उपायुक्त प्रकाश गायकवाड यांनी दिली.