Mumbai News: टँकरखाली चिरडून 23 वर्षीय विवाहितेचा मृत्य; चालक फरार

Bhiwandi News: पतीसोबत दुचाकीवरून घरी येण्यासाठी निघालेल्या विवाहितेचा टँकरखाली चिरडून मृत्यू झाल्याची घटना गुरुवारी (ता. १६) नदीनाका परिसरात घडली. याप्रकरणी फरारी टँकर चालकाविरोधात गुन्हा दाखल करण्यात आला आहे.

शबनम रमजान अन्सारी (२३) असे मयत विवाहितेचे नाव आहे. शबनम ही पती रमजान ताहीर अन्सारी याच्यासह मीठपाड्यात राहते. गुरुवारी सायंकाळी सातच्या सुमारास दाम्पत्य आसरा हॉटेलच्या समोर पोहचले असता टँकरने दुचाकीला धडक दिली.

रमजान पत्नीसह खाली पडला. टँकरच्या उजव्या बाजूचे मागील चाक शबनमच्या पायावरून व हातावरून गेल्याने ती गंभीर जखमी झाली. अतिरक्‍तस्रावामुळे तिचा मृत्‍यू झाल्‍याचे शासकीय स्व. इंदिरा गांधी रुग्णालयातील डॉक्‍टरांनी सांगितले. निजामपुरा पोलिस घटनेचा तपास करत आहेत.