Accident News: ईस्टर्न एक्स्प्रेस हायवेवर वाहनाच्या धडकेत एकाचा मृत्यू !

Mulund News: मुलुंड येथे राहणारा २८ वर्षीय धीरेन नागपाल हा रात्रीच्या जेवणानंतर फिरण्यासाठी शुक्रवारी (ता. १७) बाहेर पडला. तो परत न आल्याने त्याच्या आईने नवघर पोलिसात बेपत्ता झाल्याची तक्रार दाखल केली होती.

मात्र, कोपरी पोलिसांना मुलुंड पूर्वेकडील ईस्टर्न एक्स्प्रेस हायवेवर कोपरी पुलाजवळ एका वाहनाने धडक दिल्याने त्याचा मृत्यू झाल्याचे शनिवारी सायंकाळी तपासात उघड झाले. याप्रकरणी वाहनचालकाविरोधात गुन्हा दाखल करण्यात आला आहे.

नागपाल बेपत्ता झाल्याची तक्रार नोंद झाली होताच नवघर पोलिसांनी तपासाला सुरुवात केली होती. तपासादरम्यान शुक्रवारी रात्री १०.४० ते ११ च्या दरम्यान त्याचा अपघात झाल्याचे उघड झाले. पूर्व द्रुतगती मार्गावरील दुभाजकाजवळ तो कसा आला.

याचा शोध घेण्याचा पोलिसांनी प्रयत्न केला. तो रस्ता ओलांडण्याचा प्रयत्न करत असावा, असे दिसून आले. त्यानंतर त्याला तत्काळ रुग्णालयात नेण्यात आले; मात्र तेथे त्याला मृत घोषित केले.