Mumbai Crime: प्राणीप्रेमी महिलेला मांजरीच्या बहाण्यानं बोलावलं, बलात्काराच्या प्रयत्नानंतर वॉचमनने चाकूनं भोसकले

मुंबई, ता. १९ : मढ येथील व्यासवाडी परिसरात एका बंगल्याच्या सुरक्षारक्षकाने एका ३८ वर्षीय महिलेवर बलात्कार करण्याचा प्रयत्न केल्याची घटना सोमवारी (ता. १५) घडली. या महिलेने प्रतिकार करताच आरोपीने तिच्यावर चाकूचे वार केल्याची घटना घडली. या सुरक्षा रक्षकाला मालवणी पोलिसांनी घटनेच्या दुसऱ्याच दिवशी बिहार येथून अटक केली.

चित्रपट, मालिकानिर्मिती करणाऱ्या कंपनीने भाड्याने घेतलेल्या बंगल्याची देखभाल आणि सुरक्षेसाठी योगिंदर मांझी (वय २८) याच्यावर सोपविण्यात आली होती. सोमवारी (ता. १५) तो अन्य बंगल्यात राहणाऱ्या आणि प्राणीप्रेमी असलेल्या महिलेकडे आला. तुमच्या मांजरी आमच्या बंगल्यात आल्या आहेत. त्यांना येथून घेऊन जा, असे त्याने सांगितले. महिला तिथे गेली, तेव्हा मांझी याने महिलेवर अतिप्रंसग करण्याचा प्रयत्न केला. महिलेने प्रतिकार करताच आरोपीने महिलेच्या मानेवर आणि पोटावर वार केले. त्यानंतर आरोपीने घटनास्थळावरून पोबारा केला.