Vasai: जमावाने मारहाण केल्यामुळे हृदयविकाराचा झटका आला अन्.. शिवसेना माजी जिल्हाप्रमुखाच्या मुलाचा वसईत मृत्यू CCTV Video Viral

नालासोपारा, ता. २९ (बातमीदार) : ठाण्याचे माजी जिल्हा प्रमुख रघुनाथ मोरे यांचा मुलगा मिलिंद मोरे यांचे विरारच्या अर्नाळामध्ये रविवारी (ता. २९) निधन झाले. मोरे हे अचानक कोसळतानाचे दृश्य सीसीटीव्ही कॅमेऱ्यात कैद झाले आहेत.

मोरे हे नवाबपूर येथील सेवन सी रिसॉर्टमध्ये कुटुंबीयासमवेत आले होते. सायंकाळी पाच वाजण्याच्या सुमारास रिसॉर्टच्या बाहेर रिक्षाचे चाक पायावरून गेल्याने त्याची याठिकाणी काही जणासोबत बाचाबाची झाली. यावेळी जमावाने मारहाण केल्यामुळे त्यांना हृदयविकाराचा झटका आला आणि त्यात त्यांचा दुर्दैवी मृत्यू झाला असल्याची प्राथमिक माहिती समोर येत आहे.

या प्रकरणाची मुख्यमंत्री एकनाथ शिंदे यांनी गंभीर दखल घेऊन, तत्काळ पोलिस उपायुक्त जयंत बजबळे यांच्याशी फोनवरून चर्चा करून योग्य ती कारवाही करावी असे आदेश दिल्याची माहिती शिवसेना शिंदे गटाचे वसई तालुका प्रमुख सुदेश चौधरी यांनी सांगितले.