Uddhav Thackeray in Thane: मुख्यमंत्र्यांच्या ठाण्यात ठाकरे गटाने कसली कंबर, उद्धव ठाकरेंची तोफ धडाडणार, विधानसभेची तयारी सुरू

ठाणे: राम गणेश गडकरी रंगायतन येथे शिवसेनेच्या भगवा सप्ताहानिमित्त शनिवारी उद्धव ठाकरे ठाण्यात हजेरी लावणार आहेत. त्यामुळे आगामी विधानसभा निवडणुकीच्या अनुषंगाने ठाणे पुन्हा ताब्यात घेण्यासाठी शिवसनेच्या ठाकरे गटाने कंबर कसल्याचे दिसून येत आहे.

दोन वर्षांपूर्वी झालेल्या सत्तांतरानंतर आजही ठाण्यावर मुख्यमंत्री एकनाथ शिंदे यांचे वर्चस्व असल्याचे लोकसभा निवडणुकीत स्पष्ट झाले. याच पार्श्वभूमीवर आता ठाकरे गटाने ठाण्यावर लक्ष केद्रींत केले आहे. शिवसेनेच्या भगवा सप्ताहानिमित्त उद्धव ठाकरे उद्या ठाण्यात येत आहेत. यावेळी त्यांच्या समवेत युवासेना प्रमुख, आमदार आदित्य ठाकरे आणि शिवसेना नेते-खासदार संजय राऊत ही उपस्थित राहणार आहेत.

महत्त्वाचे म्हणजे, छत्रपती संभाजीनगर आणि पुण्यात उद्धव सेनेचा शिवसंकल्प मेळावा पार पडला होता. त्यानंतर दिल्ली दौऱ्यावर गेलेल्या उद्धव ठाकरे यांनी विविध पक्षातील नेत्यांच्या गाठीभेटी घेऊन प्रदीर्घ चर्चा केली. या दौऱ्यानंतर शनिवारी ठाण्यात येणाऱ्या ठाकरेंची तोफ कोणावर धडाडणार, हे पाहणे महत्त्वाचे ठरणार आहे.