Kalyan Crime: बेतूरकर पाडा परिसरात तरुणीचा विनयभंग, वाचा काय आहे प्रकार?

Latest Kalyan News: बेतूरकर पाडा परिसरात भरदिवसा एका तरुणीचा पाठलाग करत तिची छेड काढण्याचा धक्कादायक प्रकार घडला. मनसे महिला शहराध्यक्षा कस्तुरी देसाई आणि परिसरातील जागरूक नागरिकांनी त्या तरुणाला पकडून चांगलाच चोप दिला. त्यानंतर त्याला बाजारपेठ पोलिस ठाण्याच्या स्वाधीन केले.

पोलिस ठाण्यातून मिळालेल्या माहितीनुसार एका तरुणाने भरदिवसा बेतूरकर पाडा परिसरात एका तरुणीचा पाठलाग करत तिची छेड काढण्याचा प्रयत्न केला. परिसरातील लोकांनी याची दखल घेत तत्काळ हस्तक्षेप केला. नागरिकांनी ही माहिती मनसेच्या कस्तुरी देसाई यांना दिली. लागलीच मनसे महिला शहराध्यक्षा कस्तुरी देसाई यांनी विशेष पुढाकार घेत तरुणाला रोखले व त्याला पकडण्यासाठी परिसरातील नागरिकांचे सहकार्य मिळाले. घटनेनंतर संतप्त नागरिकांनी त्याला पकडून भरचौकात चोप दिला. यानंतर तरुणाला बाजारपेठ पोलिस ठाण्यात नेऊन त्याच्यावर कारवाईसाठी पोलिसांच्या स्वाधीन केले.