नायजेरियातील मराठी भाषिकांनी मानले PM मोदींचे आभार

PM Narendra Modi In Nigeria Marathi Community

नवी दिल्ली : नायजेरिया दौऱ्यावर पोहोचलेल्या नरेंद्र मोदींचे तेथील मराठी भाषिकांनी जोरदार स्वागत केले. मराठी भाषेला अभिजात भाषेचा दर्जा दिल्याबद्दल मोदींचे आभार मानले.

पंतप्रधान नरेंद्र मोदी हे सध्या नायजेरियाच्या दौऱ्यावर आहेत. या देशाला भेट देणारे ते मागील १७ वर्षांमधील पहिलेच भारतीय पंतप्रधान आहेत. नायजेरियातील मराठी भाषिकांनी महाराष्ट्राच्या संस्कृतीचे दर्शन घडवत मोदींचे स्वागत केले.

नरेंद्र मोदी यांनी X या सोशल मीडिया अकाऊंटवर पोस्ट शेअर करत म्हटले आहे की, "मराठी भाषेला अभिजात दर्जा मिळाल्याबद्दल नायजेरियातील मराठी भाषिकांनी आनंद व्यक्त केला. ते त्यांच्या संस्कृती आणि मुळांशी ज्या पद्धतीने जोडले गेलेत, ते पाहणे अतिशय कौतुकास्पद आहे”

नायजेरियातील अबुजा विमानतळावर मोदींचे स्वागत करून त्यांना मानवंदना देण्यात आली. रविवारी मोदींनी नायजेरियाचे अध्यक्ष बोला अहमद तिनुबू  यांच्यासोबतही चर्चा केली.