मतदान करून जॉगिंग वारी

मतदान करून जॉगिंग वारी
माटुंग्याच्या डॉक्टर जोडप्याची बदलाची अपेक्षा
मुंबई, ता. २० ः माटुंग्यातील प्रसिद्ध डॉक्टर जोडपे डॉ. संजीव आणि डॉ. उज्ज्वला शेवडे यांनी सकाळी पहिल्या सत्रात आपल्या मतदानाचा हक्क बजावला.
खंड न पडता दररोज सकाळी माटुंगा येथील पाच उद्यानात (फाइव्ह गार्डन) जॉगिंग करणाऱ्या या डॉक्टर दाम्‍पत्‍याने आजही जॉगिंग करत आपला नित्यक्रम सुरू ठेवला; पण याआधी त्यांनी आपले राष्ट्रीय कर्तव्य पूर्ण केले. अलीकडे राजकारणाचा स्तर खालावला आहे. विकासाचे काम सोडून गलिच्छ राजकारण करताना सगळे दिसतात. आम्हाला पुढारी नको, लोकप्रतिनिधी हवा आहे, विकासाच्या धोरणात सहभाग घेईल, अशी अपेक्षा या वेळी डॉ. संजीव शेवडे यांनी व्यक्त केली. तर, तेच तेच जाहीरनामे ऐकून आम्हाला आता कंटाळा आला आहे. आम्हाला आता विकासाच्या दिशेने घेऊन जाणारा आमदार हवाय. सकारात्मक बदल घडवण्यासाठी मतदान केल्याचे डॉ. उज्ज्वला शेवडे यांनी सांगितले.