राज्य पोलिस कोरोनामुक्तीच्या दिशेने? बाधित पोलिसांची संख्या घटली 

मुंबई ः कोरोना संकटात राज्य पोलिस दलात सप्टेंबरमध्ये सर्वाधिक मृत्यूची नोंद झाली. त्यानंतर ऑक्‍टोबरमध्ये कोरोना रुग्णांच्या मृत्यूंमध्ये कमालीची घट झाली आहे. जूननंतर ऑक्‍टोबरमध्ये राज्यात सर्वांत कमी म्हणजे 37 पोलिसांचा कोरोनामुळे मृत्यू झाला. त्यामुळे पोलिस दलाला हा दिलासा मिळाला आहे. 

स्वार्थी राजकारणासाठी सतत जोमात असणारे विरोधक सामाजिक प्रश्नावर मात्र कोमात; रोहित पवारांचा घणाघात

सप्टेंबर महिन्यात कोरोनाने उच्चांक गाठला असताना ऑक्‍टोबरमध्ये कोरोना लागण झालेल्या पोलिसांच्या संख्येतही कमालीची घट झाली आहे. याशिवाय ऑक्‍टोबरमध्ये 4574 पोलिसांनी कोरोनावर मात केली आहे. त्यातील बहुतांश पोलिस कामावर रुजूही झाले आहेत. सध्या राज्य पोलिस दलात 1386 सक्रिय कोरोनाबाधित रुग्ण आहेत, तर 24 हजार 919 पोलिसांनी कोरोनावर मात केली आहे. दरम्यान, सध्या राज्य पोलिस दलातील 10 हजार 247 पोलिस विलगीकरणात आहेत. 

मृत्यू दृष्टिक्षेपात 
एप्रिल- 03 
मे- 23 
जून- 33 
जुलै- 43 
ऑगस्ट- 54 
सप्टेंबर- 91 

पोलिसांना झालेली लागण 
जुलै- 5,000 
ऑगस्ट- 6,077 
सप्टेंबर- 8,254 
ऑक्‍टोबर- 3,043 

कोरोना काळात पडद्यामागील कलाकारांना मदत केल्याबद्दल प्रशांत दामले यांचा सन्मान

मुंबई पोलिस दलात 274 रुग्ण 
कोरोनाचे सर्वाधिक रुग्ण व मृत्यू मुंबई पोलिस दलात आहेत. शनिवारी 10 पोलिसांना कोरोनाची लागण झाली होती. त्यामुळे शहरातील कोरोनाबाधित पोलिसांचा आकडा 6797 वर पोहोचला आहे. शिवाय 92 पोलिसांचा मृत्यू झाला आहे. असे असले तरी मुंबई पोलिस दलात सध्या केवळ 274 सक्रिय रुग्ण आहेत. गेल्या सात दिवसांत सक्रिय रुग्णांच्या संख्येत कमालीची घट पाहायला मिळाली. गेल्या सात दिवसांत अनुक्रमे 10, 13, 21, 16, 6, 12 व आठ पोलिसांना कोरोनाची लागण झाली. मुंबई पोलिस दलातील कोरोना रुग्णांचे बरे होण्याचे प्रमाण 90 टक्‍क्‍यांहून अधिक आहे. 

-----------------------------------------------

( संपादन - तुषार सोनवणे )