मुंबई ः लक्ष्मीपूजनाच्या मुहूर्तावर झालेल्या दीड तासांच्या ट्रेडिंगमध्येही आज भारतीय निर्देशांकांनी जवळपास अर्धा टक्का आगेकूच केली. निफ्टी व सेन्सेक्स या दोघांनीही आज सर्वकालिक उच्चांक नोंदविले.
लक्ष्मीपूजनाच्या दिवशी मुहूर्त ट्रेडिंगला समभागांची खरेदी करायची अशी परंपरा आहे. त्यासाठी आज अनेक लहानमोठे शेअरदलाल आपल्या कुटुंबियांसह नटूनथटून कार्यालयात आले होते. संध्याकाळी सहा ते साडेसातच्या दरम्यान आज व्यवहार झाले. बाजार उघडल्यावर झालेल्या खरेदीच्या जोरावर मुंबई शेअर बाजाराचा सेन्सेक्स व राष्ट्रीय शेअर बाजाराचा निफ्टी यांनी आज सुरुवातीलाच अनुक्रमे 43,830.93 व 12,827.09 असे सर्वकालिक उच्चांक नोंदविले. मात्र नंतर नफेखोरीमुळे निर्देशांक त्या पातळीला टिकू शकले नाहीत व बाजार बंद होताना ते अनुक्रमे 43,637.98 व 12,770.60 या पातळीवर बंद झाले.
आज सेन्सेक्समधील प्रमुख 30 समभागांपैकी फक्त बजाज फायनान्स, अल्ट्राटेक सिमेंट, टायटन व पॉवरग्रीड हे चार समभाग किरकोळ घट दाखवीत बंद झाले. उर्वरित सर्व 26 समभाग लहानशी वाढ दर्शवून स्थिरावले. अर्थात आज चार समभागांमध्ये झालेली घट अत्यंत किरकोळ होती, तशीच उरलेल्या सहवीस समभागांमधील वाढही लहानच होती. यापैकी कोणीही समभाग 1.17 टक्क्यांपेक्षा जास्त वाढ दाखवीत बंद होऊ शकला नाही. भारती एअरटेल (481), टाटा स्टील (492), सनफार्मा (514), आयटीसी (188) व इन्फोसीस (1,133) यांच्या दरांमध्ये एक टक्क्यांच्या आसपास वाढ झाली.
trading at Lakshmi Pujan The all time high of the index
---------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.