मुंबई- कसाऱ्याकडे जाणारी वाहतूक बंद झाली आहे. मिळालेल्या माहितीनुसार, गितांजली एक्स्प्रेसच्या इंजिनमध्ये बिगाड झाला आहे. मध्य रेल्वेच्या टिटवाळा स्टेशवजवळ हा बिघाड झाला आहे. त्यामुळे वाहतूक बंद झाली आहे. बिघाड दुरुस्त करण्याचे काम युद्धपातळीवर सुरु आहे. मात्र, कसाऱ्याकडे जाणाऱ्या प्रवाशांना मनस्ताप सहन करावा लागत आहे.
काल सकाळी पाचच्या सुमारास हार्बर लाईनवरील सेवा ठप्प झाली होती. नेरुळ स्टेशनदरम्यान बिघाड झाला होता. ओव्हरहेड वायर तुटली होती. त्यामुळे पनवेळ ते नेरुळ दरम्यान सर्व रेल्वे सेवा बंद झाल्या होत्या. याशिवाय पनवेल ते ठाणे दरम्यानच्या रेल्वेसेवा देखील खंडीत झाल्या होत्या. त्यामुळे सकाळी कामावर निघालेल्या लोकांना प्रचंड मनस्ताप सहन कराला लागला.