मुख्यमंत्री एकनाथ शिंदे राज्य कारभारासाठी लायक नाहीत असा हल्लाबोल उद्धव ठाकरे यांनी केला आहे. स्वत:च्या घरात नुकसान आणि दुसरीकडे जाऊन प्रचारात कसे मिरवतात, असे उद्धव ठाकरे म्हणाले.
बळीराजा गारपीट, अवकाळीच्या संकटात असताना जो माणूस बेपर्वाईने प्रचारासाठी दुसऱ्या राज्यात जातो, असा माणूस राज्याचा कारभार करायला नालायक आहे, अशा माणसाला सत्तेवर राहण्याचा अधिकार नाही, अशी टीका उद्धव ठाकरे यांनी केली. (Latest Marathi News)
स्वतःच घर न सांभाळता दुसऱ्याच्या घरात डोकावणारे हे भुरटे राज्याला न्याय देऊ शकत नाहीत, असे देखील उद्धव ठाकरे म्हणाले. दरम्यान उद्धव ठाकरे यांच्या टिकेमुळे शिंदे गट आक्रमक झाला आहे.
उद्धव ठाकरे यांनी वापरलेला शब्द असंसदीय आहे. त्यांच्यावर कायदेशीर कारवाई करणार, असा इशारा मंत्री शंभूराज देसाई यांनी दिला आहे.
क्लिप मिळवल्यानंतर कायदेशीर कारवाईचा विचार करणार आहोत. जो शब्द आपण उच्चारु शकत, अशा शब्दाचा प्रयोग त्यांनी केला आहे. जेव्हा उद्धव ठाकरे मुख्यमंत्री होते तेव्हा नारायण राणे यांनी शब्द वापरला होता. तेव्हा जी भूमिका राज्य सरकारची होती. तशीत परिस्थिती आता निर्माण झाली असल्याचे शंभूराज देसाई म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
