Uddhav Thackeray: एक तर तू राहशील नाहीतर मी... उद्धव ठाकरेंनी फडणविसांना दिला निर्वाणीचा इशारा, शिवसैनिकांना देखील दिला आदेश

उद्धव ठाकरे यांनी आज रंगशारदा येथे शिवसैनिकांचा मेळावा घेताल. या मेळाव्यात त्यांनी हल्लाबोल केला. ठाकरे यांनी कार्यकर्त्यांना थेट अंगावर जाण्याचे आदेश दिले. "अंगावर जा बिन्धास्त," असे ते म्हणाले. तसेच "एक तर तू राहशील नाहीतर मी," असे म्हणत त्यांनी देवेंद्र फडणवीसांना इशारा दिला.

उध्दव ठाकरे यांच्या भाषणाने कार्यकर्त्यांमध्ये नवचेतना निर्माण केली आहे आणि आगामी निवडणुकीसाठी शिवसेना सज्ज असल्याचे सांगितले. उद्धव ठाकरेंच्या भाषणामुळे विधानसभा निवडणुकांच्या तयारीला वेग आला आहे.

लढाईला तोंड फुटत आहे

उध्दव ठाकरे यांनी आपल्या भाषणात पंतप्रधान नरेंद्र मोदी यांच्यावर देखील टीका केली. त्यांनी स्पष्टपणे सांगितले की, "मी असा नडलो की मोदींना घाम फोडला." मुंबईतील शिवसेना कार्यकर्त्यांच्या मेळाव्यात ते बोलत होते.

ठाकरे यांनी पुढे म्हटले की, "महाराज आणि मावळे हे हर हर महादेव म्हणत तुटून पडायचे." मुंबईतील ४ खासदार निवडून आणल्याचा उल्लेख करून त्यांनी शिवसेनेच्या सामर्थ्याची चर्चा केली.

आव्हानं आणि राजकारण

लोकसभा निर्णयानंतर अनेक INDIA चे नेते भेटले आणि म्हणाले, "आप ने तो देश को दिशा दिखाई। किसी की हिम्मत नही मोदी को बोलने की।", असे ठाकरेंनी सांगितले. त्यांनी भाजपाला 'षंढ' म्हटले आणि आरोप केले की पक्षाने त्यांच्या बापाला चोरले. नडलो तर असा नडलो की मोदी ला घाम फुटला, असे ते म्हणाले.

शिवसेनेचा उद्देश

ठाकरे यांनी सांगितले की, "शिवसेना गंजलेली नाही तळपती तलवार." मुंबई आणि महाराष्ट्राच्या विकासाबद्दल त्यांनी म्हटले की, "यांचे मनसुबे मुंबई आणि महाराष्ट्र भिकारी करण्यासाठीची आहेत."

शिवसेनेची अस्तित्वाची लढाई

"ही शिवसेना अस्थित्वाची लढाई नाही मुंबईच्या अस्थितवाची आहे," असे सांगून त्यांनी शिवसेनेच्या लढाईची महत्त्वता पटवून दिली.

धर्म आणि हिंदुत्व-

ठाकरे यांनी हिंदुत्वावर बोलताना म्हटले की, "शंकराचार्य म्हणतात विश्वास घात करणार हिंदू असू शकत नाही...."

आमदार अपात्र प्रकरण-

आमदार अपात्र प्रकरणावर सुप्रीम कोर्ट सुनावणी घेणार आहे. यावर ठाकरे म्हणाले, "लवकरच निकाल लागेल... आमची सुप्रीम कोर्टावर श्रद्धा आहे... मला माझं शिवसेना नाव पाहिजे जे मला मिळणार हा विश्वास आहे."