उल्हासनगर - गेल्या तीन दिवसांपासून बेपत्ता असलेल्या 3 वर्षीय चिमुकलीचा अर्धवट जळालेला मृतदेह मिळाल्याची खळबळजनक घटना आज उल्हासनगरात उघडकीस आली आहे.
हिललाईन पोलीस ठाण्याच्या हद्दीत असणाऱ्या महात्मा फुले नगरात राहणारी ही चिमुकली 18 तारखेला बेपत्ता झाली होती. सर्वत्र शोध घेतल्यावरही ती सापडत नसल्याने पोलीस ठाण्यात तक्रार दाखल करण्यात आली होती. तीन दिवसांपासून तिचे आईवडील चिमुकली सापडेनाशी झाल्याने कासावीस झाले होते.