VIDEO : भाजप आमदारासमोरच पदाधिकारी एकमेकांना भिडले; शिवीगाळ करत घातला गोंधळ, वादाचा व्हिडिओ व्हायरल

डोंबिवली : भाजप आमदार कुमार आयलानी (BJP MLA Kumar Ailani) यांच्या समोरच पदाधिकाऱ्यांना कार्यकर्त्यानं शिवीगाळ केलीये. भाजपचे महाराष्ट्र प्रदेश कार्यकारणी सदस्य आणि माजी नगरसेवक महेश सुक्रमानी यांना भाजप कार्यकर्ता लकी नाथानी यानं शिवीगाळ केल्याचा प्रकार घडलाय.

याचा व्हिडिओ आता व्हायरल झाला आहे. त्यामुळं उल्हासनगरमध्ये भाजप पदाधिकारी आणि कार्यकर्ते यांच्यात पटत नसल्याचं दिसून येतं आहे.

भाजपचे महाराष्ट्र प्रदेश कार्यकारणी सदस्य आणि माजी नगरसेवक महेश सुक्रमानी यांना भाजप कार्यकर्ता लकी नाथानी यानं शिवीगाळ केली आहे. भाजप आमदार कुमार आयलानी यांच्या उपस्थितीत हा सगळा प्रकार घडत असताना आयलानी यांनी यात मध्यस्थी करण्याचा प्रयत्न केला.

मात्र, लकी नाथानी ऐकण्याच्या मनस्थितीत नव्हता. त्यानं सुक्रमानी यांना शिवीगाळ करत दमदाटी केल्याचं दिसून आलं. उल्हासनगरमधील कॅम्प २ मधील ओटी सेक्शन भागात भूमिपूजन कार्यक्रम आयोजित केला होता. त्यावेळी लकी हा आपल्या घरातून फोटो काढत होता.

यावेळी माजी नगरसेवक सुक्रमानी यानं त्याला घरून काय फोटो काढतो, खाली ये असं सांगितलं. याचा राग लकीला आला आणि त्यानं गोंधळ घातला. भाजप आमदार कुमार आयलानी यांच्या उपस्थितीत हा सगळा प्रकार घडत असतांना आयलानी यांनी यात मध्यस्थी करण्याचा प्रयत्न केला.

मात्र, लकी नाथानी ऐकण्याच्या मनस्थितीत नव्हता. याचं वादाचा व्हिडिओ आता व्हायरल झाला असून याप्रकरणी भाजपकडून मात्र कोणतीही प्रतिक्रिया मिळू शकली नाही. त्यामुळं उल्हासनगरमध्ये भाजप पदाधिकारी आणि कार्यकर्ते यांच्यात पटत नसल्याचं दिसून येतं आहे.