Latest Ulhasnagar News : एकतर शरदचंद्र पवार यांच्या राष्ट्रवादी पक्षाकडून नाहीतर अपक्ष आमदारकीची निवडणूक लढवण्यासाठी ओमी कालानी यांनी गोव्या मध्ये शिक्कामोर्तब केले आहे.त्यासाठी कोअर कमिटीची घोषणा करण्यात आली असून विशेष म्हणजे या कमिटीच्या अध्यक्षपदी काँग्रेसचे नेते माजी जिल्हाध्यक्ष डॉ.जयराम लुल्ला यांची निवड करण्यात आली आहे.तर पप्पू कालानी हे मार्गदर्शक असणार आहेत.
ओमी कालानी यांच्या पत्नी पंचम कालानी ह्या राष्ट्रवादी शरदचंद्र पवार पक्षाच्या जिल्हाध्यक्ष आहेत.मात्र ओमी यांचे खासदार डॉ.श्रीकांत शिंदे यांच्या सोबत मैत्रीचे संबंध असल्याने त्यांनी लोकसभा निवडणुकीत दोस्ती का गठबंधन या बॅनरखाली डॉ.शिंदे यांचा प्रचार केला होता.तत्पूर्वीच टीम ओमी कालानीचे सर्वेसर्वा युथ आयकॉन ओमी कालानी यांनी उल्हासनगर विधानसभेतन निवडणुकीच्या रिंगणात उतरण्याची घोषणा केली होती.
अलीकडेच ओमी यांनी शरदचंद्र पवार यांच्या राष्ट्रवादी पक्षाकडून निवडणूक लढवण्याची इच्छा व्यक्त केली असून पवार यांच्याकडून प्रतिसाद मिळाला नाही तर अपक्ष निवडणूक लढवणार असेही स्पष्ट केले आहे.
कालानी कुटुंबातून पप्पू कालानी यांनी चारदा,स्वर्गीय ज्योती कालानी यांनी एकदा आमदार पद भूषविले आहे.यावेळेस ओमी कालानी यांनी विधानसभेच्या निवडणुकीसाठी रणशिंग फुंकले असून त्यासाठी खास गोव्यामध्ये बैठकीचे आयोजन करण्यात आले होते.
या बैठकीत कोअर कमिटीची घोषणा करण्यात आली असून त्यात अध्यक्ष डॉ.जयराम लुला,मार्गदर्शक पप्पू कलानी,पदाधिकारी नरेंद्र कुमारी ठाकुर,सुमित चक्रवर्ती,पीतू राजवानी,नोनी धामेजा,नरेश दुर्गानी,ओमी कालानी,संजय सिंह चाचा,सत्यन पूरी,राजेश टेकचंदानी,अजीत माखीजानी,मनोज लासी,शिवाजी रगडे,ऍडवोकेट मनीष वाधवा,मोनू सिद्दीक़ी,संतोष पांडे,पंचम ओमी कालानी,कमलेश निकम,कार्यालय प्रमुख आनंद शिंदे,होशियार सिंह लबाना यांचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
