कोरोना योद्धांना भारतीय हवाई दलाकडून अनोखी मानवंदना

मुंबादेवी : कोरोना संकटाविरोधात गेल्या दीड महिन्यापासून झुंज देणारे डॉक्टर, नर्स, वाॅर्डबॉय, आया, सफाई कामगार यांच्या सन्मानार्थ जे. जे रुग्णालयावर सैन्य दलातर्फे पुष्पवृष्टी करण्यात आली. सैन्यदलाची विमाने आणि हेलिकाॅप्टरने आज सकाळी 10 ते 11 च्या दरम्यान रुग्णालयावर पुष्पवृष्टी करत सैन्याने या कोरोना योद्धांना अनोखी मानवंदना दिली.  

नक्की वाचा : गावी जाण्याचे फॉर्म मिळवण्यासाठी परप्रांतीयांची ठीक-ठिकाणी गर्दी

गेल्या दीड महिन्यापासून मुंबईत संपुर्ण लाॅकडाऊन आहे. कोरोनाला विषाणूला अटकाव करण्यासाठी आणि कोरोना बाधितांच्या सेवेसाठी डाॅक्टर, नर्ससह सर्व वैदकिय कर्मचारी आणि सफाई कामगार अहोरात्र झटत आहेत; तर रस्त्यावर कायदा व सुव्यवस्था राखण्यासाठी पोलिस दलही 24 तास तैनात आहे. या सर्व लढाईत आम्ही आपल्यासोबत आहोत, असा विश्वास कर्मचाऱ्यांमध्ये निर्माण करण्यासाठी तसेच या लढाईतील प्रत्येक सेवकाप्रती आदर व्यक्त करण्यासाठी  सुखोई विमाने आणि हॅलिकाॅप्टरद्वारे सैन्याने ही पुष्पवृष्टी केली.  

नक्की वाचा  : लॉकडाऊन : गावी पाठवण्याच्या नावाखाली पैसे उकळणाऱ्याला पोलिसांनी ठोकल्या बेड्या

जेजे रुग्णालय परिसरातील तसेस उमरखाडी, डोंगरी,चारनळ, भेंडीबाज येथील नागरिकांनी आपल्या गच्चीवरुन या विमानांची ही दृश्ये कॅमेऱ्यात टिपली.

Unique salute from Indian Air Force to Corona Warriors