मुंबई : मुंबईत कोरोनाच्या कमी वेळात अधिक चाचण्या व्हाव्यात यासाठी युनिव्हर्सल टेस्टिंग पॉलिसी तयार केली आहे. संसर्गाचा वाढता प्रसार रोखण्यासाठी पालिकेच्या आरोग्य विभागाने रॅपिड अँटिजेन टेस्ट करण्यास सुरुवात केली आहे. यातून मुंबईतील कोरोनाचा वाढता संसर्ग नियंत्रणात आणण्याचा प्रयत्न केला जातोय.
मुंबईत काही विभागांमध्ये कोरोना संसर्ग वागणे वाढतोय,याठिकाणी पालिकेने कंटेन्मेंट झोन जाहीर केले आहेत. मुंबईत महापालिकडून या कंटेन्मेंट झोन मध्ये रॅपिड अँटीजन चाचणीला सुरुवात करण्यात आली आहे. लसर्व संशयीतासाठी कोरोनाच्या सहज चाचण्या करता याव्यात , यासाठी पालिकेने युनिव्हर्सल टेस्टिंग पौलिसी तयार केली आहे.
भारतीय वैद्यकीय संशोधन परिषद म्हणजेच आयसीएमआर ने याबाबतची मार्गदर्शक निर्देश आखून दिले आहेत. त्यानुसार या चाचण्या करण्यात येत आहेत. त्यानुसार आयसीएमआर ने मंजूर केलेल्या 1 लाख अँटीजन किटची खरेदी देखील पालिकेने केली आहे.
ही चाचणी सर्व लक्षणे असलेल्या कोरोनाच्या संशयितांसाठी आणि लक्षणे नसलेल्या अति जोखमीचे संपर्क ज्यांना दीर्घकालीन आजार आहेत , याना सुचवली जाते. पी दक्षिण, पी उत्तर,आर दक्षिण, आर उत्तर व आर मध्य या विभागात ही केली जाणार आहे.येणाऱ्या दिवसांत अधिकाधिक क्षेत्र व्यापले जाईल.लक्षणे असलेल्या कोरोना संशयितांचा अहवाल जर निगेटिव्ह आला तर त्यांचा दुसरा नमुना घेऊन आरटी-पीसीआर चाचणीसाठी पाठवण्यात येणार आहे.
सध्या ही चाचणी पालिकेची सर्व रुग्णालये आणि प्रतिबंधित क्षेत्रात घेण्यात येत आहे. आतापर्यंत 724 चाचण्या घेण्यात आल्या आहेत. यातून लक्षणे दिसत असलेल्या संशयितांची तातडीने चाचणी करून संसर्गाला रोखण्यासाठी आवश्यक उपाययोजना करण्यास अतिशय मदत होणार आहे.
universal testing policy in mumbai for rapid testing
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.