Navi Mumbai News: मच्छीमार बोटीतील शीतगृहातून मासळी बाहेर काढण्यासाठी उतरलेल्या दोन खलाशांचा विषारी वायूने गुदमरून मृत्यू झाला. तर चौघांची प्रकृती गंभीर असून उरणच्या ग्रामीण रुग्णालयात त्यांच्यावर उपचार सुरू आहेत. करंजा बंदरात शुक्रवारी ही घटना घडली होती.
करंजात नव्याने उभारलेल्या मच्छीमार बंदरात गोरखनाथ नाखवा यांच्या मालकीच्या बोटीतील मासळीचा दुपारच्या सुमारास लिलाव करण्याची तयारी सुरू होती. बोटीमधील शीतगृहात खोल समुद्रात पकडलेली मासळी काढण्यासाठी प्रकाश गौतम (३२) नाशी खणात उतरला होता.
