मुंबई : मंबई लोकल ही मुंबईकरांची जीवनवाहिनी मानली जाते. पावसाळ्यामध्ये अनेकदा नागरिकांना लोकलच्या विस्कळीत वेळापत्रकामुळे आणि पावसाच्या पाण्यामुळे त्रासाला सामोरे जावे लागते. याआधी अनेकदा प्लॅटफॉर्मवर पावसाचे पाणी आल्याचे व्हिडिओ सोशल मीडियावर समोर आले होते. तर सध्याही असाच एक व्हिडिओ समोर आला असून त्यामध्ये थेट रेल्वे फलाटावरच पावसाचे पाणी पडताना दिसत आहे.
रेल्वे फलाटावर असलेल्या पत्र्याच्या शेडमधून पाणी खाली गळत आहे. ज्या ठिकाणी पाणी गळत आहे त्याखाली एक फॅन असून पाण्यामुळे फॅन आपोआप फिरत आहे. सदर व्हिडिओ मुंबईतील वडाळा रोड स्टेशन येथील असून "रेल्वे प्लॅटफॉर्मवरील वीजनिर्मिती प्रकल्प" असं उपहासत्मक कॅप्शन या व्हिडिओला देण्यात आलं आहे.
दरम्यान, मुंबई मॅटर्स या ट्वीटर अकाऊंटवरून व्हिडिओ शेअर करण्यात आला असून मुंबईकरांनी हा व्हिडिओ मोठ्या प्रमाणावर शेअर केला आहे. या व्हिडिओवरील नेटकऱ्यांच्या प्रतिक्रिया वाचून आपल्यालाही हसू आवरणार नाही. तर अनेकांनी यावरून आपला संताप व्यक्त केला असून रेल्वे प्रशासनाकडे दुरूस्तीची मागणी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
