वसई-विरारमध्ये व्यापाऱ्यांना दिलासा; मात्र नियमांचे उल्लंघन केल्यास कारवाईचा इशारा...

वसई : कोरोनाचा प्रादुर्भाव लक्षात घेता अनलॉकनंतर निश्चित वेळ ठरवून दुकाने खुली करण्यात आली होती. त्यात आता बदल करून वसई-विरार महापालिका हद्दीतील दुकानांना दोन तास अधिक मुभा देण्याचा निर्णय महापालिकेने अटी-शर्तीसह घेतला आहे. त्यामुळे व्यापाऱ्यांना दिलासा मिळाला आहे.

डोंबिवलीत कोरोना रुग्णांची परवड थांबणार; जोंधळे विद्यालयात 'इतक्या' खाटांची सुविधा...

पूर्वी सकाळी 9 ते सायंकाळी 5 वाजेपर्यंत दुकाने खुली ठेवावी, असे जाहीर केले होते; मात्र पालिका प्रशासनाने ही वेळ वाढवून सायंकाळी 7 वाजेपर्यंत दुकाने उघडी ठेवण्यात येतील, असे आदेश काढले आहेत; मात्र वसई-विरार शहर महापालिका क्षेत्रातील प्रतिबंधित क्षेत्र वगळता अन्य ठिकाणची दुकाने सुरू राहणार आहेत. सामाजिक अंतर राखणे, दुकानांत गर्दी होऊ नये याची काळजी घेणे, तसेच मास्क घालणे असे निर्बंध घालण्यात आले आहेत. नियमांचे उल्लंघन करणाऱ्यांवर कारवाई केली जाईल, असा इशारा आयुक्त गंगाथरन डी यांनी दुकानदारांना दिला आहे.

लॉकडाऊनचा सकारात्मक परिणाम; ठाणे जिल्ह्यातील कोरोना रुग्णांच्या संख्येत घट...​

हॉटेल, अतिथिगृहांना परवानगी 
वसई-विरार महापालिकेत असणाऱ्या हॉटेल, अतिथिगृह सुरू करण्याची परवानगी देण्यात येत असल्याचा आदेश पालिका प्रशासनाने काढला आहे. विशिष्ट बंधने घालण्यात आली आहेत. तसेच हॉटेल सुरू करण्याचे जाहीर केले असले तरी जेवणासाठी परवानगी देण्यात आली नाही. कोरोना संसर्ग होऊ नये म्हणून आरोग्याच्या दृष्टीने काटेकोर अंमलबजावणी मालकाने, चालकाने करावी, असेही महापालिका प्रशासनाने स्पष्ट केले आहे.

---

संपादन : ऋषिराज तायडे