Latest Pali News: वाडा विक्रमगड मार्गावरील पाली येथे शुक्रवारी (दि.8)सायंकाळच्या सुमारास स्थिर पथकाकडून आलोंडेहून वाड्याकडे येणा-या एम एच 43 सीई 4051 या क्रमांकाच्या पिकअपला स्थिर पथकाकडून हात दाखवून रस्त्याच्या बाजुला घेऊन तिची तपासणी केली. यावेळी पिकअपमध्ये 3 कोटी 70 लाख 50 हजार रूपयांची रोख रक्कम आढळली असून ती जप्त करण्यात आली आहे. या प्रकारामुळे प्रचंड खळबळ उडाली असून रोख रक्कम कुणाची अशी चर्चा सुरू झाली आहे.
स्थिर पथकाकडून मिळालेल्या माहितीनुसार, विधानसभेची निवडणूक सुरू असून निवडणूक आयोगाकडून विविध नाक्यांवर तपासणी पथके तैनात करण्यात आली आहेत. विक्रमगड वाडा मार्गावरील पाली फाट्याजवळही असेच पथक तैनात करण्यात आले असून शुक्रवार( दि.8)सायंकाळच्या सुमारास एम एच 43 सीई 4051 या पांढ-या क्रमांकाची पिकअप अलोंड्यावरून वाड्याकडे येत होती.तिथे असलेल्या पथकातील कर्मचाऱ्यांनी गाडीला हात दाखवून रस्त्याच्या बाजुला थांबावयास सांगितले.
