मुंबई - दसरा मेळाव्याच्या शिवतीर्थावरील परवानगीसाठी शिवसेनेकडून मुंबई हायकोर्टात दाखल करण्यात आलेल्या याचिकेवर सुनावणी झाली. यावेळी मुंबई हायकोर्टाने दसरा मेळाव्यासाठी शिवाजी पार्कवर ठाकरे गटाला परवानगी दिली आहे. २ ते ६ ऑक्टोंबरपर्यंत ठाकरे गटाला हायकोर्टाने परवानगी दिली आहे. शिवसेनेचा शिंदे गटाला हा मोठा शह मानला जात आहे. त्यावर आता शिवसेनेकडून प्रतिक्रिया आली आहे. (Dasara Melava news in Marathi)
शिवसेनेचे नेते विनायक राऊत म्हणाले की, न्यायदेवतेचे मनापासून आभार, आम्ही मानतो. आम्हाला ठावूक होतं की सत्याचा विजय होणार आहे. न्यायदेवता कधीही सत्याला प्राधान्य देते. शिंदे गटाने आता शिवसेनेच्या मार्गात सोडण्यात येणारी काळी मांजरं सोडने बंद करावे असंही विनायक राऊत म्हणाले.
शिवाजी पार्कवर शिवसेनाच सिमोलंघण करणार आहे. आमची न्यायाची बाजू आहे. आमच्याकडे खोट काहीही नाही. त्यामुळे सर्वोच्च न्यायालयातही आमच्याच बाजुने निकाल येईल, असा विश्वास राऊत यांनी व्यक्त केला. शिंदे गटाकडून सध्या दादागिरी करण्यात येत आहे. त्यामुळे त्यांनी आमदारांना कायदा सुव्यवस्थेचे धडे द्यायला हवे, असही राऊत यांनी म्हटलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
