पावसाळ्यात ओले कपडे सुकवणे हे एक आव्हानच असते. पंख्याखाली कपडे वाळू घालून या आव्हानाला तोंड देण्याचा मार्ग महिलांनी शोधला असला तरी हा व्हिडिओ पाहिल्यानंतर कपडे सुकवण्याच्या बाबतीत मुंबईकरांच्या भन्नाट आयडियाला तोडच नसेल.
ट्रेनमध्ये कपडे वाळवणे...
होय, सततच्या संततधार पडणाऱ्या पावसामुळे हैराण झालेल्या मुंबईकरांनी आपले कपडे सुकवण्यासाठी चक्क लोकल ट्रेनची निवड केली आहे. व्हायरल होत असलेल्या व्हिडिओमध्ये लोकल ट्रेनमध्ये प्रवास करताना लोक कपडे वाळवताना दिसत आहेत. या व्हिडिओमध्ये तुम्ही पाहू शकता की ट्रेनमध्ये टॉवेल आणि इतर कपडे वाळवले जात असल्याचे दिसत आहे.
व्हिडिओ व्हायरल झाला...
लोक लोकल रेल्वेच्या सीटवर मस्त आरामात बसले आहेत आणि रिकाम्या जागेत टॉवेल लटकलेले दिसत आहेत. हा व्हिडिओ सोशल मीडीयावर खूप व्हायरल होत आहे. हा मजेशीर वाटणारा व्हिडिओ पाहून लोक खूप विनोद देखील करत आहेत.मात्र, असंही असू शकतं की, लोक पावसापासून वाचण्यासाठी सोबत टॉवेल घेऊन फिरत असताना प्रवासादरम्यान चालत्या ट्रेनमधून येणाऱ्या हवेत वाळवण्याचा प्रयत्न करत आहेत. प्रकरण काहीही असो, ट्रेनमध्ये असे दृश्य पाहून सर्वांनाच आश्चर्याचा धक्का बसला आहे.
हे फक्त मुंबईतच होऊ शकते....
दादर मुंबईकर या इंस्टाग्राम पेजने हा व्हिडिओ शेअर केला आहे. व्हिडिओमध्ये तुम्ही बघू शकता की लोकल ट्रेनमध्ये शाल, चादर आणि टॉवेल काठ्यांना लटकवून वाळवले जात आहेत. व्हिडिओच्या कॅप्शनमध्ये मराठीत लिहिले आहे की, "अरे हे फक्त आपल्या मुंबईत घडू शकतं." म्हणजे 'हे फक्त आपल्या मुंबईतच होऊ शकते'. व्हिडिओवर लोक वेगवेगळ्या पद्धतीने कमेंट करत आहेत. काही जण मुंबईकरांना पावसात सावध राहण्याचे आवाहन करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.