Mumbai : डोंबिवलीत मंगळवारी वीज पुरवठा सहा तासांसाठी बंद

डोंबिवली - डोंबिवली शहरातील उच्चदाब वीज वाहिनीच्या फिडरच्या देखभाल दुरुस्तीचे काम महावितरणच्या वतीने मंगळवारी करण्यात येणार आहे. या कामासाठी मंगळवारी सकाळी 10 ते दुपारी 3 या वेळेत पूर्व आणि पश्चिमेतील काही भागाचा वीज पुरवठा खंडीत करण्यात येणार असल्याची माहिती महावितरण अधिकाऱ्यांनी दिली.

डोंबिवली पश्चिमेतील गरीबाचापाडा येथील 22 केव्ही उच्चदाब वीज वाहिनी तसेच पूर्वेतील कऱ्हाडे ब्राह्मण उच्चदाब वीज वाहिनीचे देखभाल दुरुस्तीचे काम मंगळवारी करण्यात येणार आहे.

या वाहिनी दुरुस्तीच्या कामासाठी पश्चिमेतील फिडर वरुन गरीबाचा पाडा परिसरातील दोन पाण्याची टाकी परिसर, महाराष्ट्र नगर, श्रीधर म्हात्रे चौक, गरीबाचापाडा, सरोवरनगर या भागाचा वीज पुरवठा सकाळी १० ते दुपारी चार या कालावधीत बंद ठेवण्यात येणार आहे. तर पूर्वेतील टिळक शाळा, चार रस्ता,

समाज मंदिर, टिळक पुतळा, मानपाडा, संत नामदेव पथ, कारवा हॉस्पिटल तसेच इतर भागास होणारा वीज पुरवठा बंद राहणार आहे. पावसाळा तोंडावर येत आहे. या कालावधीत काही महत्त्वाची दुरुस्ती कामे करणे आवश्यक आहे. त्यामुळे नागरिकांनी सहा तासांच्या वीज पुरवठा बंदच्या कालावधीत सहकार्य करावे, असे आवाहन महावितरणच्या अधिकाऱ्यांनी केले आहे.