डोंबिवली - कपडे काढताना कमरेला लावलेली रिव्हॉल्वर जमिनीवर पडली आणि त्यातून गोळी सुटली ती त्यांच्या मांडीला घासुन थेट पार्श्वभागात घुसल्याची घटना अंबरनाथ तालुक्यातील काकडवाल गावात घडली आहे.
या प्रकरणी उल्हासनगरच्या हिललाईन पोलीस पोलीस ठाण्यात सेवल साळवी (वय42) याच्या विरोधात गुन्हा दाखल करण्यात आला आहे. जखमी रिव्हॉल्वर मालक सेवल याच्यावर उल्हासनगरमधील खासगी रुग्णालयात उपचार सुरू आहेत. तर पोलिसांनी रिव्हॉल्व्हर आपल्या ताब्यात घेतली आहे.
उल्हासनगर मधील हिललाईन पोलीस ठाण्याच्या हद्दीत आणि अंबरनाथ तालुक्यातील काकडवल गावात बुधवारी धक्कादायक घटना घडली आहे.
आपल्या स्व संरक्षणासाठी असलेली रिव्हॉल्व्हर सेफ्टी लॉक न केल्याने कपडे काढत असताना रिव्हॉल्व्हर खाली घरातील लादीवर पडून हवेत गोळी फायर झाल्याने मालक सेवल साळवी यांच्या विरोधात हिललाईन पोलीस ठाण्यात गुन्हा दाखल करण्यात आला आहे.
सेवल साळवी यांच्या उजव्या मांडीला गोळी घासली आणि ती पार्श्वभागात घुसल्याने ते गंभीर जखमी झाले आहेत. त्यांच्यावर खासगी रुग्णालयात उपचार सुरु असल्याची माहिती पोलिसांनी दिली आहे.
मात्र शासकीय परवानगीचे असलेले रिव्हॉल्व्हर सांभाळताना योग्य काळजी न घेतल्याने हा अपघात घडला आहे. घटनेची माहिती मिळताच तातडीने हिललाईन पोलिस ठाण्याचे वरिष्ठ पोलीस निरीक्षक रणजित डेरे,पोलीस निरीक्षक करडकर आणि पोलीस उपनिरीक्षक साळवे यांनी घटनास्थळी भेट दिली आहे.
सध्या या प्रकरणी हिललाईन पोलीस ठाण्याचे सहाय्यक पोलीस निरीक्षक श्रीराम पडवळ हे अधिक तपास करत आहेत. मात्र अग्नीशस्त्र वापरताना आपल्या जीवाला धोका असल्याचे सांगून घेत असतो परंतु त्याची योग्य काळजी न घेता ते स्वतःच्या जीवावर देखील बेतू शकतो हे या अपघातामध्ये समोर आलं आहे. त्यामुळे आता पोलिसांच्या पुढील तपासाकडे सर्वांचे लक्ष लागले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
