मुंबई : जन्म-मृत्यू दाखला तयार करणे, त्यात सुधारणा करण्याची प्रक्रिया ऑनलाईन होण्याची शक्‍यता आहे. तसेच जन्म आणि मृत्यू दाखल्यावरील माहिती दर्शवण्यासाठी मराठी इंग्रजीसह हिंदी उर्दू तसेच इतर भारतीय भाषांचा समावेश होण्याची शक्‍यता आहे.

सावधान! मुंबई, ठाण्यासह संपुर्ण कोकणात अतिमुसळधार पावसाची शक्यता; हवामान खात्याचा अंदाज

जन्म-मृत्यूच्या दाखल्यांसाठी मुंबई महापालिकेत प्रत्यक्ष जाऊन अर्ज भरावा लागतो. यात नोकरदारांचा बराच वेळ खर्ची जातो. याशिवाय या दाखल्यांवरील चुका दुरुस्तीसाठीही बराच वेळ जातो. यावर उपाय म्हणून अर्ज भरण्याची पद्धत ऑनलाईन करण्याची मागणी समाजवादी पक्षाचे गटनेते रईस शेख यांनी केली. याबाबत त्यांनी आज अतिरिक्त आयुक्त सुरेश ककाणी यांच्यासोबत बैठक घेतली. ककाणी यांनी यासंदर्भात 14 दिवसांत निर्णय घेण्याचे आश्वासन दिले आहे. 

डोंबिवलीत सातनंतर फेरीवाले रस्त्यावर; केडीएमसीच्या दंडात्मक कारवाईमुळे व्यापारी हैराण 

पालिकेने 2007 पासून संगणकीय दाखले देण्यास सुरवात केली. त्यापूर्वीचे दाखले हे लिखित स्वरूपात होते. त्यामुळे 2007 पूर्वीचा दाखला हवा असल्याच बरीच उठाठेव करावी लागते. याबाबतही तोडगा काढण्याची मागणी शेख यांनी केली आहे. 
---------------------------
(संपादन : गोरक्षनाथ ठाकरे)