पालघर : भरधाव वेगात जाणाऱ्या एका टोयाटो फॉर्च्यूनर कारने जोरदार धडक दिल्याने प्राध्यापिकेचा मृत्यू झाल्याची घटना रात्री उशिरा विरार येथे घडली.आत्मजा कासाट (46) असे मृत्यू झालेल्या प्राध्यापिकेचे नाव असून त्या उत्कर्ष कनिष्ठ महाविद्यालयात शिकवायच्या. सदर अपघात प्रकरणी शुभम पाटील या चालकाला पोलिसांनी अटक केली आहे. दरम्यान या घटनेमुळे नागरिकांच्या सुरक्षेचा प्रश्न पुन्हा ऐरणीवर आला आहे.
काल संध्याकाळच्या सुमारास आत्मजा कासाट या विरार पश्चिम येथील मुलजीभाई मेहता शाळेसमोरून जात असताना पाठीमागून आलेल्या टोयाटो फॉर्च्यूनर कारने त्यांना धडक दिली. कार डिव्हायडरवर आपटल्याने त्या गंभीर जखमी झाल्या. कारचालकाने त्यांना नजीकच्या प्रकृती रुग्णालय, आगाशी रोड येथे उपचारासाठी दाखल केले.
या अपघातानंतर गाडीत बसलेले मित्र मैत्रिणी फरार झाले. मात्र उपचारादरम्यान त्यांचा मृत्यू झाला. अर्नाळा सागरी पोलिसांनी चालक शुभम पाटील याला ताब्यात घेतले असून गुन्हा दाखल करण्याची प्रक्रिया रात्री उशिरापर्यंत सुरू होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.