मुंबईच्या टिटवाळा रेल्वे स्थानकाजवळ एका महिलेवर बलात्कार झाल्याचा धक्कादायक प्रकर समोर आला आहे. लोकलने प्रवास करणारी ही महिला तिच्या घरी जात असताना हा प्रकार घडला. दरम्यान या घटनेनंतर कल्याण रेल्वे पोलीस ठाण्यात गुन्हा दाखल करण्यात आला असून संशयित आरोपीला अटक करण्यात आली आहे. टिटवाळा रेल्वे स्थानकालगत हा प्रकरा घडल्यानंतर रेल्वे पोलिसांनी याप्रकरणी निशांत चव्हाण याला अटक केली आहे.
साम टीव्हीने दिलेल्या वृत्तानुसार, संबंधीत पीडित महिला ही शहाड येथे एका खासगी कंपनीत काम करते. सोमवारी रात्री साडेआठच्या सुमारास ती शहाड रेल्वे स्थानकावरून लोकलने टिटवाळा रेल्वे स्थानकात आली होती. स्टेशनवर उतरल्यानंतर ही महिला शेजारीच असलेल्या रुळावरून आपल्या घराकडे जात होती.
यावेळी एकजण तिचा पाठलाग करत होता. पीडित महिला फोनवर आपल्या पतीशी बोलत असल्यामुळे ती गाफील होती. पाठलाग करणाऱ्या व्यक्तीने तिच्यावर बलात्कार केला. याच दरम्यान पीडित महिलेचा फोन सुरूच होता. घटनेची वाच्यता कुठे केली तर जिवे मारण्याची धमकी देखील संशयित आरोपीने महिलेला दिली.
दरम्यान महिलेच्या पतीला संबंधीत प्रकाराची माहिती मिळताच त्यांने परिसरात राहणाऱ्या लोकांशी संपर्क साधला. यानंतर परिसरात राहणाऱ्या नागरिकांनी धाव घेत आरोपीला पकडून पोलिसांच्या स्वाधीन केलं. कल्याण रेल्वे पोलिसांकडून प्रकरणाचा पुढील तपास सुरू आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
