Worli Hit And Run Case: "माझं करिअर संपलंय..."; आरोपी मिहीर शहाने पोलिसांना सांगितला संपूर्ण घटनाक्रम!

मुंबई बीएमडब्ल्यू हिट-एंड-रन प्रकरणात आरोपी मिहीर शाहने पोलिसांच्या चौकशीदरम्यान धक्कादायक खुलासे केले आहेत. पोलीस या प्रकरणात सखोल चौकशी करत आहेत.मिहीर शाहने पोलिसांना चौकशीदरम्यान सांगितलं की, अपघातानंतर त्याचं करिअर संपले आहे.

अपघाताच्या आधी त्याने दोन बारमध्ये मद्यपान केल्याचंही त्यानं कबूल केलं, असं सूत्रांनी सांगितलं. ७ जुलै रोजी वर्लीमध्ये मिहीर शाहनं दुचाकीला धडक दिली, ज्यात ४५ वर्षीय महिला, कावेरी नाखवा यांचा मृत्यू झाला. तीन दिवस पसार झाल्यानंतर मिहीर शाहला मंगळवारी अटक करण्यात आली.

दरम्यान, चौकशीदरम्यान उघड झालं की, मिहीर शाहनं अपघाताच्या दिवशी खूप मद्यपान केलं होतं. जूहू येथील एका बारमध्ये मित्रांसोबत पार्टी केल्यानंतर त्यानं पुन्हा एकदा बोरीवली आणि मालाडच्या मधल्या एका बारमध्ये मद्यपान केलं. त्यानंतर बीएमडब्ल्यूचा ड्रायव्हर राजऋषि बिडावत याला गाडी चालवण्याची परवानगी मागितली.

मिहीर शाह हा शिवसेना (एकनाथ शिंदे गट) नेते राजेश शाह यांचा मुलगा आहे, त्या रात्री मरीन ड्राईव्हवर गाडी चालवत होता. रात्री उशिरा पोलिसांनी दोन्ही आरोपींना वर्ली येथे नेऊन घटनास्थळाची पुनरावृत्ती केली. बीएमडब्ल्यू कारने वर्लीतील दोनचाकीला मागून धडक दिली, ज्यामुळे कावेरी नाखवा (४५) यांचा मृत्यू झाला, तर त्यांचे पती प्रदीप यांना दुखापत झाली. सीसीटीव्ही कॅमेऱ्यांमध्ये हे भीषण अपघाताचे दृश्य कैद झाले आहे.

महिला मिहीरच्या गाडीच्या चाकात अडकली आहे, तरीही तो बेशिस्तपणे गाडी चालवत राहिला. अपघातानंतर इतर वाहनचालकांनी त्याला गाडी थांबवण्याचं सांगितलं, पण त्यानं ते न ऐकता गाडी चालवली. पोलिसांनी बिडावत आणि मिहीर शाहला एकमेकांसमोर आणून अपघाताची सविस्तर चौकशी केली.

आपली ओळख लपवण्यासाठी मिहीर शाहने दाढी आणि केस कापले होते. पोलिस आरोपीचा ड्रायव्हिंग लायसन्स शोधण्याचा प्रयत्न करत आहेत. मिहीर शाहचे वडील राजेश शहा यांच्यावरही आरोप असून ते सध्या जामिनावर आहेत.