अंबरनाथ आणि बदलापूर रेल्वे स्थानकाच्या दरम्यान धावत्या रेल्वेतून पडून एका तरुणाचा मृत्यू झाल्याची घटना रविवारी सायंकाळी घडली आहे. कादरूउल्ला रफिक खान असे या घटनेत मृत्यू झालेल्या तरुणाचे नाव आहे. तो चेन्नई एक्सप्रेसमधून प्रवास करत असताना ही घटना घडली आहे.
याबाबत मिळालेल्या माहितीनुसार, कादरूउल्ला रफिक खान हा तरुण काल (रविवारी) चेन्नई एक्सप्रेसमधून प्रवास करत होता. या प्रवासादरम्यान तो रेल्वेच्या डब्याच्या दरवाज्याजवळ उभा होता. अंबरनाथ आणि बदलापूर रेल्वे स्थानकांदरम्यान ट्रेन जात असताना त्याचा रेल्वेतून पडून मृत्यू झाला. रविवारी सायंकाळी ही घटना घडली.
कादरूउल्ला रफिक खान हा आपल्या नातेवाईकांसोबत मद्रास येथून चेन्नई एक्सप्रेसने कुर्ला येथे जात होता. यावेळी चेन्नई एक्सप्रेस बदलापूर रेल्वे स्थानकाजवळ असताना तो मेलच्या दरवाजाजवळ उभा राहिला. दरम्यान तोल जाऊन तो रेल्वेतून बाहेर पडला आणि या अपघातात त्याचा दुर्दैवी मृत्यू झाला आहे. (Mumbai Accident News)
मृत कादरूउल्ला याचा मृतदेह शवविच्छेदनासाठी उल्हासनगर येथील मध्यवर्ती रुग्णालयात पाठवण्यात आला आहे. याप्रकरणाची कल्याण लोहमार्ग पोलीस ठाण्यात नोंद करण्यात आली आहे. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
