मुंबई: शिवसेनेने (shivsena) काँग्रेस-राष्ट्रवादीसोबत स्वतंत्र चूल मांडल्यामुळे कधीकाळी परस्परांचे खूप चांगले मित्र असलेली शिवसेना-भाजपाची युती तुटली. त्यानंतर भाजपा आणि महाराष्ट्र नवनिर्माण सेनेमध्ये (mns) जवळीक वाढू लागली. आगामी मुंबई महापालिका निवडणुकीच्या पार्श्वभूमीवर भाजपा आणि मनसेमध्ये युती होऊ शकते अशी चर्चा सुरु आहे. मध्यंतरी भाजपा प्रदेशाध्यक्ष चंद्रकांत पाटील यांनी राज ठाकरेंची भेट घेतली होती. त्यावेळी भाजपा-मनसे युतीच्या चर्चेने जोर धरला होता.
ओबीसी आरक्षण रद्द झाल्यामुळे जिल्हा परिषद आणि पंचायत समितीची पोटनिवडणूक झाली. पालघरच्या वाडामध्ये सापणे पंचायत समितीमध्ये भाजपा-मनसे युतीचा प्रयोग झाला. पण हा प्रयोग फसल्याचं दिसतं आहे. सापणेची जागा मनसेकडे होती. ओबीसी आरक्षण रद्द झाल्यामुळे इथे निवडणूक लागली.
भाजपा आणि मनसेने परस्परांना सहकार्य केले. पण प्रत्यक्षात इथे शिवसेनेचा फायदा झाल्याचे दिसत आहे. शिवसेनेचे मोकाशी सापणे गणातून विजयी झाले आहेत. खरंतर या युतीमुळे शिवसेनेचं नुकसान अपेक्षित होतं. पण प्रत्यक्षात भाजपा आणि मनसेला फटका बसलाय. मनसेला हातातली जागा गमवावी लागली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
