नांदेड : कोवीड संक्रमणाच्या कालावधीत सुद्धा शहर विकासासाठी कांही महिन्यापूर्वी 50 कोटींचा निधी राज्य शासनाकडून मिळवून घेतल्यानंतर शहरातील प्रलंबित विविध विकास कामांसाठी पालकमंत्री अशोक चव्हाण यांच्या प्रयत्नातून शासनाने आणखी 100 कोटी रुपयांचे विशेष अनुदान मनपाला दिले आहे. नगरविकास खात्याचे मंत्री एकनाथ शिंदे यांनी हा विशेष निधी मंजूर केला आहे. या निधीतून हाती घेण्यात येणारी कामे मनपा यंत्रणेमार्फत करण्यात येणार आहेत.
भाजप सरकारच्या काळात नांदेड वाघाळा महानगरपालिकेत शासनाकडून कोणतीच आर्थिक मदत मिळत नव्हती. त्यामुळे शहराचा विकास ठप्प झाला होता. परंतु मागील वर्षी महाविकास आघाडी सरकार सत्तेत आले. माजी मुख्यमंत्री अशोकराव चव्हाण यांच्याकडे राज्याच्या सार्वजनिक बांधकाम विभागाचे कार्यभार देतांना जिल्ह्याच्या पालकमंत्री पदाची जवाबदारी सोपविण्यात आली.
हेही वाचा - महावितरणची मोहीम: आकोडे टाकत वीजचोरणाऱ्या 26 आकोडेबहाद्दरांवर कारवाई
त्यानंतर त्यांनी विकासकामांचा झपाटा सुरु केला. त्याचाच एक भाग म्हणून शहरातील विकासाचा अनुशेष भरून काढण्यासाठी आणखी अतिरिक्त निधीची गरज लक्षात घेऊन महानगरपालिका क्षेत्रातील मूलभूत सोयीसुविधांचा विकास या लेखाशिर्षकाखाली राज्याच्या नगरविकास विभागाकडून तब्बल 100 कोटी रुपये नव्याने मंजूर करुन घेतले आहेत.
येथे क्लिक करा - राज्य सरकारच्या निषेधार्थ भाजपतर्फे उद्या चक्काजाम
या निधीमुळे शहराच्या विविध भागातील रस्त्यासह विविध विकासकामे पुर्णत्वास जाणार आहेत. एवढ्या मोठ्या प्रमाणात निधी उपलब्ध करुन दिल्याबद्दल जिल्ह्याचे पालकमंत्री अशोक चव्हाण व राज्याचे नगरविकास मंत्री एकनाथ शिंदे यांचे नांदेडकरांनी आभार मानले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.