माहूर : तालुक्यातील मेंडकी येथे प्रजासत्ताकदिनी पाणी सोडण्यावरून झालेल्या वादात आदिवासी महिला सरपंच यांच्या फिर्यादीवरून अनुसूचित जाती जमाती अत्याचार प्रतिबंधक अधिनियम व इतर कलमांनुसार माहूर पोलिस ठाण्यात (ता.२७) जानेवारी रोजी दोघांविरुद्ध गुन्हा नोंद करण्यात आला होता. गुन्हा नोंद करून गावात परत आल्यानंतर घडलेल्या घटनेत सरपंच पतीसह पोलिस पाटील आणि इतर तिघांविरुद्ध विनयभंगाचा गुन्हा दाखल करण्यात आला आहे.
महिला सरपंचासोबत झालेल्या भांडणात संशयित विरुद्ध ॲट्रॉसिटी गुन्हा नोंद करण्यात आला होता. फिर्यादी सरपंच गावात पोहोचल्यानंतर त्यांच्या पती व सहकार्याकडून ॲट्रॉसिटीचा गुन्हा दाखल करण्यात आलेल्या संशयित आरोपीच्या घरी जाऊन महिलेचे तोंड दाबून जबरदस्ती करण्याचा प्रयत्न केला गेला.
महिलेने आरडाओरडा करून स्वतःची सुटका करून घेतली. यावेळी पोलिस ठाणे गाठून रीतसर फिर्याद दिली. पीडित महिलेने दिलेल्या फिर्यादीवरून पोलिस ठाणे माहूर येथे मेंडकीचे महिला सरपंच यांचे पती किसन हातमोडे, दिर मारुती हातमोडे, पोलिस पाटील कुंदन कानीराम पवार, बळवंत व्यंकटराव पवार, नंदकिशोर कानीराम पवार यांच्या विरुद्ध विनयभंगाचा गुन्हा दाखल करण्यात आला आहे. तपास सहायक पोलिस निरीक्षक संजय पवार हे करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
