Attack on MLA in Nanded: नांदेडमध्ये काँग्रेस आमदाराच्या गाडीची तोडफोड; किर्तनाच्या कार्यक्रमाला आले असताना हल्ला

नांदेड- भाजप नेते निलेश राणे यांच्या ताफ्यावर दगडफेक करण्यात आल्याची घटना ताजी असताना आमदाराची गाडी फोडल्याचा प्रकार समोर आला आहे. नांदेडमधील काँग्रेसचे आमदार मोहन हंबर्डे यांची गोडी फोडण्यात आली आहे. नांदेडमधील पिंपळगाव येथील ही घटना आहे. या घटनेने एकच खळबळ उडालीये.

मराठा आंदोलकांनी हंबर्डे यांची कार फोडली असल्याची माहिती आहे. आमदार हे पिंपळगाव निमजी गावात किर्तनाच्या कार्यक्रमासाठी आले होते. यावेळी काही अज्ञातांनी त्यांच्या गाडीची तोडफोड केली आहे. माहितीनुसार, आमदार हंबर्डे गे सुरक्षित आहेत. (Congress MLA mohan hambarde car vandalized in Nanded maratha reservation andolan)

मनोज जरांगे पाटील हे आरक्षणाच्या मागणीसाठी १० फेब्रुवारीपासून उपोषणाला बसले आहेत. आज त्यांच्या उपोषणाचा आठवा दिवस आहे. मराठा आरक्षणाच्या मुद्द्यावरुन राज्यात वातावरण तापलं आहे. राज्यातील काही ठिकाणी हिंसक घटना घडल्या आहेत. महामंडळाची एसटी बस जाळण्यात आली होती. त्यामुळे मराठा आंदोलक आक्रमक झाल्याचं पाहायला मिळत आहे.

मराठा समाजाला आरक्षण देण्यासाठी आणि राज्य मागासवर्ग आयोगाच्या सर्वेक्षणावर चर्चा करण्यासाठी २० फेब्रुवारीला राज्य सरकारने विशेष अधिवेशन बोलावलं आहे. जोपर्यंत सगेसोयरे यांना आरक्षण देण्याचा कायदा बनत नाही, तोपर्यंत उपोषणावर ठाम असल्याचं जरांगे म्हणाले आहेत. त्यामुळे सरकारने हालचाली सुरु केल्या आहेत. मराठ्यांना वेगळे आरक्षण देण्याची तरतूद केले जाण्याची शक्यता व्यक्त करण्यात आली आहे. (Latest Marathi News)