Corona Update: नांदेडकरांनी जिंकलं! जिल्ह्यात केवळ दोन रुग्णांची वाढ

नांदेड: Nanded corona updates: जिल्ह्यातील कोरोनाची परिस्थिती झपाट्याने कमी होत आहेत. बुधवारी प्राप्त झालेल्या एक हजार ९५० अहवालापैकी केवळ दोन अहवाल कोरोनाबाधित आले आहेत. जिल्ह्यातील एकूण बाधितांची संख्या ९० हजार ७२४ एवढी झाली असून, यातील ८८ हजार ३३ रुग्णांना रुग्णालयातून सुट्टी देण्यात आलेली आहे. आजच्या घडीला ३० रुग्ण उपचार घेत असून तीन बाधितांची प्रकृती अतिगंभीर आहे.

गंभीर बाधित रुग्णांपैकी बुधवारी जिल्हाभरात एकही मृत्यू झालेला नाही. त्यामुळे बाधित मृत रुग्णांची संख्या दोन हजार ६६१ एवढी आहे. आजच्या बाधितामध्ये देगलूर - एक व हिंगोली - एक असे एकूण दोन बाधित आढळले. बुधवारी जिल्ह्यातील चार कोरोना बाधितांना औषधोपचारानंतर सुट्टी देण्यात आलेली आहे. यात देगलूर - एक, किनवट-एक, मनपा अंतर्गत एनआरआय भवन गृह विलगीकरण- दोन अशा एकूण चार व्यक्तीला रुग्णालयातून सुट्टी देण्यात आली.
बुधवारी सायंकाळपर्यंत ३० कोरोनाबाधित रुग्णांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी - नऊ, किनवट- एक, देगलूर- एक, नांदेड मनपा अंतर्गत गृह विलगीकरण- १८, नांदेड जिल्ह्यातील तालुक्यांतर्गत गृह विलगीकरण - एक व्यक्ती उपचार घेत आहेत.

कोरोना मीटर:
एकूण पॉझिटिव्ह : ९० हजार ७२४
एकूण कोरोनामुक्त : ८८ हजार ३३
एकुण मृत्यू : दोन हजार ६६१
बुधवारी पॉझिटिव्ह : दोन
बुधवारी कोरोनामुक्त : चार
बुधवारी मृत्यू : शुन्य
रुग्णालयात उपचार सुरु : ३०