हिमायतनगर : महाराष्ट्रातील धनगर समाजाला मुळ आदिवासी समाजामध्ये समाविष्ट करू नये, या प्रमुख मागणीसह अन्य मागण्यांसाठी आदिवासी समाजाचा विराट मोर्चा बुधवारी (ता.१३) रोजी तहसील कार्यालयावर धडकला. मोर्चात महिला, मुली, तरूणांसह मोठ्याप्रमाणात आदिवासी समाजाचा सहभाग होता.
श्री परमेश्वर मंदिरापासून प्रारंभ झालेल्या मोर्चात धनगर जात व इतर कोणत्याही जाती समुहाला मुळ आदिवासी अनुसूचित जमातीत समावेश करण्यात येवू नये, धनगर समाजाला आदिवासीच्या सवलती देण्यासाठी स्थापन करण्यात आलेली सुधाकर शिंदे समिती तत्काळ रद्दबातल करण्यात यावी. या सह अन्य मागण्यांसाठी मुळ आदिवासी समाजाने रस्त्यावर उतरून आंदोलन केले.
यावेळी उपविभागीय पोलिस अधिकारी दत्तात्रय वाळके, वैद्यकीय अधीक्षक डॉ. डी.डी. गायकवाड, सत्यवृत्त ढोले, डाॅ. संजय धुमाळे, रामदास वाळके, गजानन बुरकले, आर.जी. बोडके, विश्वंभर वानोळे, मारोती बेले, मारोती गवले, रामदास भडंगे, पुंडलीक तरटे, अभिषेक खुपसे, रामराव भिसे, वसंतराव डवरे, दत्ता काटमोडे, डाॅ. मारोती वाकोडे, संजय मांजरमकर आदींसह महिला, पुरूषांनी मोर्चात सहभाग घेतला होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
