नांदेड जिल्ह्यातील शिक्षकांना भविष्य निर्वाह निधी विवरणपत्राचे वाटप 

नांदेड : २०१९-२० वर्षाच्या नांदेड जिल्ह्यातील जिल्हा परिषद अंतर्गत शाळांच्या भविष्य निर्वाह निधीच्या सहा हजार ९०० शिक्षक खातेदारांच्या अद्यावत भविष्य निर्वाह निधीची विवरणपत्रे गट विकास अधिकारी व गट शिक्षण अधिकारी यांना शनिवारी (ता.१९) वाटप करण्यात आले. 

जिल्हा परिषदेच्या यशवंतराव चव्हाण सभागृहात हा कार्यक्रम मुख्य कार्यकारी अधिकारी वर्षा ठाकूर-घुगे यांच्या उपस्थितीत झाला. या वेळी मुख्‍य लेखा व वित्‍त अधिकारी आर.टी. कोलगणे, उप मुख्‍य कार्यकारी अधिकारी डॉ. सुधिर ठोंबरे, डी.यू. इंगोले, व्‍ही.आर. पाटील, उप मुख्‍य लेखा व वित्‍त अधिकारी शेखर कुलकर्णी, शिक्षणाधिकारी प्रशांत दिग्रसकर आदी उपस्थित होते. 

हेही वाचा - पत्नीचा खून करणाऱ्या पतीस जन्मठेपेची शिक्षा

या विवरण पत्रांमध्ये, ज्या महिन्यांमध्ये वर्गणी दर्शवण्यात आली नसेल, अशा महिन्याची जीपीएफची शेड्युलची कपात प्रत वित्त विभागात सादर केल्यास सुधारित प्रत तात्काळ निर्गमित केली जाईल. संबंधित गट शिक्षणाधिकारी कार्यालयांनी त्यांच्‍या अधिनस्त सर्व शाळेतील शिक्षकांना या भविष्य निर्वाह निधीच्या स्लीप वितरित कराव्यात व उलट टपाली त्याची पोच विभागात सादर करावी असे आवाहन मुख्‍य कार्यकारी अधिकारी वर्षा ठाकूर यांनी केले. तालुक्याकडून नियमितपणे दर महा शेड्युल प्राप्त झाली तर हे काम कमी वेळात होऊ शकेल असेही त्‍या म्‍हणाल्‍या. या विवरणपत्राव्‍दारे भविष्‍य निर्वाह निधीमध्‍ये असणारी रक्‍कम त्‍यांना समजणार आहे. 

हेही वाचाच - नांदेड : रासायनिक खताच्या दरवाढीमुळे उकिरड्याचे फिटले पांग, शेणखताची मागणी वाढली!

तालुकानिहाय भविष्य निर्वाह निधीची विवरणपत्र 
२०१९-२० या वर्षाच्या नांदेड जिल्ह्यातील जिल्हा परिषद अंतर्गत शाळांच्या भविष्य निर्वाह निधीच्या शिक्षक खातेदारांच्या अद्यावत भविष्य निर्वाह निधीची विवरणपत्रे देण्‍यात आली.