कर्ज मागणीसाठी ऑनलाईन अर्जाला मुदतवाढ  

नांदेड : जिल्ह्यात खरीप हंगाम सन २०२० - २०२१ साठी ऑनलाईन पीक कर्ज नोंदणी शनिवार ता. सहा जून पर्यंत मुदतवाढ देण्यात आली आहे. पीक कर्ज घेण्यास इच्छूक शेतकऱ्यांनी नमूद संकेतस्थळावर पीक कर्ज मागणीची नोंदणी करुन प्रशासनास सहकार्य करावे, असे आवाहन जिल्हाधिकारी डॉ. विपीन यांनी केले आहे.

संसर्ग टाळावा यासाठी प्रयत्न 
कोरोना (कोवीड-१९) विषाणू संसर्गाच्या पार्श्वभूमीवर संचारबंदी घोषीत करण्यात आली आहे. बँकेतील गर्दीमुळे होणारा विषाणू संसर्ग टाळावा व बँकेच्या सेवा अधिक सुरक्षीत व्हाव्यात यासाठी सन २०२० - २०२१ या खरीप हंगामात नांदेड जिल्ह्यातील पीक कर्ज घेण्यास इच्छूक शेतकऱ्यांनी https://docs.google.com/forms/d/e/1FAIpQLSehk6tQ6VGKaSH_LSQ6o4u2S7dNATKcjwOK2mKLfD8qD7He0g/viewform?usp=sf_link   या संकेतस्थळावर ऑनलाईन पीक कर्ज मागणी नोंदणी ता. १७ मे ते ता. २७ मे दरम्यान करण्याबाबत मुदत दिली होती. 

हेही वाचा....

एक लाख सत्तर हजार अर्ज 
दहा दिवसाच्या कालावधी दरम्यान जिल्ह्यात एक लाख ७० हजार २४० शेतकऱ्यांनी ऑनलाईन संकेतस्थळावर पीक कर्ज मागणी नोंदविली आहे. पीक कर्ज मागणी नोंदणी याद्या व्यवस्थापक, जिल्हा अग्रणी बँकेमार्फत संबंधीत बँक शाखेस पाठविण्यात आल्या आहेत. खरीप पीक कर्ज हंगामात नांदेड जिल्ह्यातील शेतकरी पीक कर्जापासून वंचित राहू नये म्हणून पीक कर्ज मागणी ऑनलाईन नोंदणी करण्यासाठी शनिवार ता. सहा जूनपर्यंत मुदतवाढ दिली आहे, असेही जिल्हाधिकारी डॉ. विपीन यांनी प्रसिद्धी पत्रकाद्वारे आवाहन केले आहे.  

हेही वाचलेच पाहिजे.....

कोरोनाच्या पार्श्वभुमीवर शेतकऱ्यांना आवाहन
कोरोना विषाणू संसर्गाच्या पार्श्वभूमीवर शासनाकडून देशपातळीवर संचारबंदी घोषित करण्यात आली आहे. बँकांतील गर्दीमुळे होणारा विषाणू संसर्ग टाळण्यासाठी २०२० - २१ या खरीप हंगामात नांदेड जिल्ह्यातील पीककर्ज घेण्यास इच्छुक शेतकऱ्यांनी संकेतस्थळावर (ता. १७ ते २७) मे दरम्यान ऑनलाइन पीककर्ज मागणी नोंदणी करावी, असे आवाहन जिल्हाधिकारी डॉ. विपीन यांनी शेतकऱ्यांना केले होते. 

शिल्लक शेतकऱ्यांसाठी मुदतवाढ
शेतकऱ्यांना कर्जासाठी ऑनलाइन अर्ज करण्याची सुविधा उपलब्ध करून दिल्याने बॅंकांना पात्र खातेदारांना कर्ज वितरित करावे लागेल. यात नोंदणी केलेल्या शेतकऱ्यांची यादी जिल्हा अग्रणी बँकेमार्फत संबंधित बँकेकडे पाठविण्यात येणार आहे. ही यादी प्राप्त झाल्यानंतर संबंधित बँक शाखेकडून पीककर्ज घेण्यास पात्र असणाऱ्या शेतकऱ्यांना लघुसंदेश पाठविण्यात येणार आहे. यामुळे यापुढेही शिल्लक राहिलेल्या शेतकऱ्यांना ऑनलाइन अर्ज सादर करण्यासाठी मुदतवाढ दिल्याचे जिल्हाधिकाऱ्यांनी सांगीतले.