नायगाव - काँग्रेसच्या वाटेवर असलेले माजी खासदार भास्करराव पाटील खतगावकर यांनी शंकरनगर येथे गुरुवारी (ता.१२) प्रमुख कार्यकर्त्यांची संवाद साधला. आपली आणि त्यांच्या सुनबाईंची राजकीय दिशा स्पष्ट केली. त्यांनी काँग्रेसचा हात हाती घेण्याचे जाहीर तर केलेच; पण लोकसभेच्या नांदेड मतदारसंघातील पोटनिवडणुकीसाठी दिवंगत खासदार वसंतराव चव्हाण यांचे पुत्र प्रा. रवींद्र चव्हाण यांच्या पाठीशी ताकद उभी करण्याचे स्पष्ट संकेत दिले.