अर्धापूर - विभागात (ता. अर्धापूर) येथे लगीनघाई सुरू झाली आहे. या गावात दरवर्षी जिल्हास्तरीय आदिवासी कोळी महादेव समाजाच्यावतीने सामुदायिक विवाह सोहळ्याचे आयोजन करण्यात येते. यंदाच्या २६ व्या सामूहिक विवाह सोहळ्यात २५ जोडपी विवाह बंधनात बांधली जाणार आहेत. हा विवाह सोहळा बुधवारी (ता. एक) सकाळी साडेअकराला होणार असून, या विवाह सोहळ्याची जय्यत तयारी सुरू झाली आहे.
अर्धापूर तालुक्यातील काही गावांत एक गाव एक लग्नतिथी हा उपक्रम राबविला जात आहे. या उपक्रमामुळे कमी खर्चात थाटात लग्न सोहळा होत असल्याने वधुपित्याला आधार मिळत असून, पैशांची खूप मोठी बचत होत आहे.
निमगावात आदिवासी कोळी महादेव समाजाची लोकसंख्या खूप मोठी असून, दरवर्षी जिल्हास्तरीय सामूहिक विवाह सोहळ्याचे आयोजन करण्यात येते. अनावश्यक खर्चाला फाटा देऊन हा विवाह सोहळा पार पाडला जातो. यामुळे पैशाची व वेळेची बचत होते; तसेच आदिवासी परंपराही जपली जाते.
घरोघरी रंगरंगोटी, स्वच्छता
या विवाह सोहळ्यानिमित्ताने घरोघरी रंगरंगोटी, स्वच्छता, पत्रिका वाटप आदी तयारीला वेग आला आहे. या विवाह सोहळ्यात वऱ्हाडी मंडळीला भारतीय पद्धतीने पंगतीत बसून जेवण देण्यात येते. या विवाह सोहळ्याचे पंचक्रोशीतील नागरिकांनी, लोकप्रतिनिधींना प्रशासकीय अधिकाऱ्यांना निमंत्रण देण्यात येते. या विवाह सोहळ्याचे वैशिष्ट्य म्हणजे ठरलेल्या मुहूर्तावर व वेळेवर विवाह सोहळा पार पाडण्यात येतो.
या जोडप्यांचा होणार विवाह
या विवाह सोहळ्यात खंडोजी मोरे व पूनम बोडके, अॅड. अंकुश पन्नासे व राणी मोळके, दत्ता मामडे, सुप्रिया झुडपे, उमेश गलांडे व रेणुका सोंगे, सचिन मोरे व वैभवी डोंगरे, विजय मोरे व पूनम दारकोंडे, बालाजी मामडे व दीपाली मोरे, गणेश जाधव व गायत्री गलांडे, मारोती चुनोडे व गंगासागर मोरे, संतोष मोरे व ममता जगताप, शंकर जमदाडे व अंकिता घोरपडे, अर्जुन गलांडे व अलका भिसे, साईनाथ चुनोडे व पायल मोरे, शुभम मोरे व निकिता मोळके, संतोष घोरपडे व पल्लवी भंगे, वाल्मीक सोळंके व गायत्री डोंगरे, कृष्णा झुडपे व त्रिवेणी मोरे, विठ्ठल भंगे व महानंदा जगताप, रामेश्वर दारकोंडे व सलोनी खंडेराय, प्रदीप राठोड व पूजा आडे, बालासाहेब मोळके व साक्षी सूर्यवंशी, विकास पवार व सपना जाधव, श्रीनिवास मोळके व सोनाली सोंगे, किशोर गोत्रम व सविता टिमकीकर, ज्ञानेश्वर आडे व सोनाली राठोड हे जोडपे विवाहाच्या पवित्र बंधनात बांधली जाणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.