Crop Damage in Nanded : अतिवृष्टीने जिल्ह्यातील चार लाख हेक्टरवरील पिकांचे नुकसान, नुकसानग्रस्तांना मिळेल मोठी मदत

नांदेड : जिल्ह्यामध्ये चार लाख हेक्टरपेक्षा अधिक पिकांचे नुकसान झाले आहे. पावसाचा प्रचंड जोर होता, नदी-नाले तुडुंब वाहत होते. त्यामुळे परिसरातील शंभर टक्के पीक बुडाले आहे. अंतिम पंचनामे झाल्यावर नेमकी आकडेवारी पुढे येईल. पूर्ण पंचनामे झाल्यावरच नेमके किती नुकसान झाले, हे ठरवता येईल. सर्व शेतकऱ्यांना मोठ्या प्रमाणात शासकीय मदत मिळेल, असे आश्वासन राज्याचे मदत व पुनर्वसन, आपत्ती व्यवस्थापन मंत्री अनिल पाटील यांनी सोमवारी (ता. ९) नांदेड येथे माध्यमांशी बोलताना दिले.