अर्धापूर (जि.नांदेड) : नांदेड-अर्धापूर रस्त्यावरील आसना पुलाजवळ झालेल्या ट्रक-दुचाकी अपघातात पती जागीच ठार झाला असून पत्नी जखमी झाल्याची घटना बुधवारी (ता.सहा) दुपारी बारा वाजण्याच्या सुमारास घडली. हे दोघे राहणार बारड (ता.मुदखेड) येथील आहेत. या अपघातामुळे नांदेड-अर्धापूर (Ardhapur) मार्गावरील वाहतूक ठप्प झाली होती. महामार्ग पोलिसांनी शर्थीचे प्रयत्न करुन वाहतूक सुरळीत केली. या अपघाताची महामार्ग सुरक्षा पथक, वसमत फाटा यांच्या कडून मिळालेल्या (Nanded) माहितीनुसार नांदेड-अर्धापूर रस्त्यावरील आसना पुलाजवळ दुपारी बारा वाजण्याच्या सुमारास दुचाकी (एमएच २६ झेड ०७६०) व ट्रकचा अपघात झाला.
या अपघातात दुचाकीस्वार तुळशीदास बालाजी पुरी (वय ३५, रा.बारड ता मूदखेड) हे गंभीर जखमी झाल्याने त्यांचा घटनास्थळी मृत्यू, तर त्यांच्या पत्नी कल्पना तुळशीदास पुरी (वय ३०, रा.बारड, ता. मुदखेड) या किरकोळ जखमी झाल्या. या अपघाताची माहिती मिळताच रमाकांत शिंदे, वडजे, कात्रे व सेवक वसंत शिनगारे तात्काळ घटनास्थळी दाखल झाले व जखमी झालेल्या कल्पना पुरी यांना शासकीय रुग्णालय, नांदेड येथे उपचारासाठी दाखल करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
