नांदेड : लोहा तालुक्यात कर्जबाजारी शेतकऱ्याची आत्महत्या 

लोहा (जिल्हा नांदेड) : तालुक्यातील गोलेगाव (प. क.) येथील अल्पभूधारक शेतकरी सचिन रामराव नाईकवाडे (वय ४२) यानी सततच्या नापिकीमुळे विष प्राशन करुन रविवारी (ता. २०) सकाळी आत्महत्या केली आहे.

याबाबत अधिक माहिती अशी की, गोलेगाव येथील सचिन नाईकवाडे हे गेल्या सहा महिन्यापासून आर्थिक विवंचनेत होते त्यांनी लोहा शाखेच्या बँक ऑफ इंडिया येथून शेतीच्या पेरणीसाठी कर्ज उचलले होते. मात्र सततच्या नापिकीमुळे हंगाम हातचा गेला. याचा परिणाम कर्जाचा बोजा वाढत गेला. त्यांनी गावाच्या पश्चिमेस असलेल्या स्वतः च्या शेतात विष प्राशन करुन आत्महत्या केली. ही घटना रविवारी (ता. २०) सकाळी घडली. त्यांच्या पश्चात आई- वडील, एक छोटा भाऊ, पत्नी, दोन लहान मुल आहेत. त्याच्या पार्थीवावर गोलेगाव येथे ठिक दुपारी एक वाजता अंत्यसंस्कार करण्यात आले.

हेही वाचा - हिंगोलीत स्वच्छ सर्वेक्षणाबाबत फिडबॅक सुरु, नागरिकांना दिल्या पालिकेने टिप्स 

सचिन नाईकवाडे हा अल्पभूधारक शेतकरी सातत्याने नवनवीन पिकाची माहिती घेऊन उत्पादन वाढण्यासाठी प्रयत्न करीत असे. जमीन कसण्याबरोबर तो आठवडी बाजारात गायी- म्हशीची खरेदी- विक्रीचा व्यवसाय करत. त्यातही मोठे अपयश आल्याचे तो मिञांना बोलुन दाखवत असे. विशेषतः पडीत गायरान जमीन क्षेत्र वहितीखाली आणण्यासाठी त्याने विशेष प्रयत्न केले होते. कष्टाळू, मायाळू आणि वारकरी संप्रदायासाठी विशेष योगदान देणारा सचिन याला चार- पाच महिन्यापासून तो सातत्याने दबावात राहत होता. आपल्या मित्रांना तो नेहमी आपली खंत व्यक्त करताना म्हणायचा शेतीसाठी ५० हजार रुपये खर्च झाला. उत्पादन मात्र अडीच ते तीन हजार रुपये, खायचं कसं दोन पैसे कर्ज फेडायचे कसे आपल्या शेतीत सोयाबीन आणि कापूस मोठ्या प्रमाणावर त्यांनी लागवड केली होती.

संपादन - प्रल्हाद कांबळे