![Nanded](http://media.assettype.com/esakal%2F2023-07%2Fde65b4da-8998-4131-969e-aba102027826%2Fnanded.jpg?w=480&auto=format%2Ccompress&fit=max)
नांदेड - जिल्ह्यात खरीप हंगामात मंगळवारपर्यंत (ता. २६) सर्वसाधारण पेरणी क्षेत्राच्या ९२ टक्क्यांनुसार सात लाख सहा हजार हेक्टरवर पेरण्या झाल्या. यात सर्वाधिक चार लाख हेक्टरवर सोयाबीन तर एक लाख ९४ हजार हेक्टरवर कपाशीची लागवड झाली आहे.
मात्र, यंदा सुरवातीला पाऊस लांबल्याने उडीद तसेच मुगाचा पेरा घटला आहे. दरम्यान, अतिवृष्टी आणि मुसळधार पावसामुळे अनेक शेतातील पिकांचे नुकसान झाले असून काही ठिकाणी शेताला तळ्याचे स्वरूप आले असून पिके पाण्याखाली तर काही ठिकाणी वाहून गेली आहेत. त्यामुळे प्रशासनाने तत्काळ सरसकट पंचनामे करून आर्थिक मदत द्यावी, अशी मागणी शेतकऱ्यांनी केली आहे.
जिल्ह्यात जुलैच्या पहिल्या आठवड्यात खरिपातील पेरण्यांना प्रारंभ झाला. परंतु हा पाऊस सर्वदूर नसल्याने ठराविक भागातच पाऊस झाला होता. यानंतर मात्र पावसाने कमी - अधिक प्रमाणात हजेरी लावल्याने सर्वत्र पेरण्यांना सुरुवात झाली. जिल्ह्यात जुलैमधील पावसामुळे खरिपातील पेरण्यांची वेग घेतला.
यंदा उडीद तसेच मुगाचा पेरा घटल्याची माहिती कृषी विभागाच्या सूत्राने दिली. बुधवारपर्यंत (ता. २६) जिल्ह्यात सर्वसाधारण पेरणी क्षेत्राच्या ९२ टक्क्यांनुसार सात लाख हेक्टरवर पेरण्या झाल्या. यात सर्वसाधारण पेरणी क्षेत्राच्या ११६ टक्क्यांनुसार चार लाख हेक्टरवर सोयाबीन तर सर्वसाधारण पेरणी क्षेत्राच्या ८० टक्के नुसार एक लाख ९४ हजार हेक्टरवर कपाशीची लागवड झाली आहे.
जिल्ह्यात सर्वसाधारण पेरणी क्षेत्राच्या ९२ टक्क्यांनुसार ६२ हजार हेक्टरवर तूर, सर्वसाधारण पेरणी क्षेत्राच्या ४८.२० टक्क्यांनुसार १३ हजार हेक्टरवर मूग, सर्वसाधारण पेरणी क्षेत्राच्या ४२.५३ टक्क्यांनुसार १२ हजार हेक्टरवर उडीद, सर्वसाधारण पेरणी क्षेत्राच्या २१.१३ टक्क्यांनुसार साडेनऊ हजार हेक्टरवर खरीप ज्वारीची लागवड झाल्याची माहिती कृषी विभागाच्या सूत्राने दिली आहे.
जिल्ह्यात झालेली पेरणी (क्षेत्र हेक्टरमध्ये)
पीक पेरणी क्षेत्र पेरणी झालेले क्षेत्र टक्केवारी
सोयाबीन - ३,५३,३१४ ४,११,६२० ११६.५०
कपाशी - २,४१,२८२ १,९४,५१७ ८०.६२
तूर - ६७,४२३ ६२,१३१ ९२.१५
ज्वारी - ४४,७४० ९,४५४ २१.१३
उडीद - २९,६२५ १२,५९९ ४२.५३
मूग - २७,३९२ १३,३६६ ४८.८०
मका - ८२३ ७८४ ९५.२६
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.